ხაბაროვსკში სჯეროდათ, რომ ქართველი მთავარი მწვრთნელი და ფეხბურთელები "სკა-ენერგიას" რუსეთის პრემიერლიგაში გადაიყვანდნენ, მაგრამ იმედი გაუცრუვდათ - გიორგი დარასელიას გაწვრთნილმა გუნდმა "როსტოვთან" პლეი ოფში ორივე მატჩი დათმო და ასპარეზობას გაისადაც პირველ ლიგაში გააგრძელებს.საპასუხო მატჩში დამარცხების შემდეგ Sportbox.ru-მ ინტერვიუ "სკა-ენერგიას" გენერალურ დირექტორს, სერგეი ფელდმანს ჩამოართვა, სადაც გუნდში ქართული დიასპორის მომავალზეც ჰკითხა.
- სამწუხაროდ, ისე გამოვიდა, რომ გადამწყვეტი მატჩის წინ, ლაშა სალუქვაძესთან ერთად, ოთარ მარცვალაძე და გოჩა ხოჯავაც გამოგვაკლდნენ. "როსტოვი" გაცილებით მაღალი კლასის გუნდია და გვაჯობა. თუმცა ბიჭებმა თავი არ დაზოგეს და
- მომავალ სეზონშიც დარჩება თუ არა გუნდში ქართული დიასპორა გიორგი დარასელიას ხელმძღვანელობით?
- რამდენიმე დღეში კლუბის საბჭოს შეკრება გაიმართება და გუნდის შემადგენლობაზე იქ ვიმსჯელებთ. რა თქმა უნდა, განვიხილავთ მომავალი სეზონისთვის ბიუჯეტსაც - რისკენ და როგორ უნდა ვიაროთ.
ცვლილებები იქნება. ზოგიერთ მოთამაშეს კონტრაქტი დაუსრულდა, ისევე, როგორც მთავარ მწვრთნელს.
- სხვა სიტყვებით, შესაძლებელია, დარასელიამ ხაბაროვსკი დატოვოს?
- მოვლენათა ასეთი განვითარება გამორიცხული არაა - ყველაფერი შეიძლება.
ასევე იხილეთ:
ქართველების "სკა-ენერგიამ" რუსეთის პრემიერლიგაში ვერ შეაბიჯა
