7 აგვისტოს ჩემპიონთა ლიგის III საკვალიფიკაციო ეტაპის საპასუხო მატჩში "ლეგიამ" ნორვეგიული "მოლდე" მიიღო და უგოლო ფრეს დასჯერდა. თუმცა ესეც საკმარისი აღმოჩნდა იმისთვის, რომ ვარშავულ კლუბს პლეი-ოფში თამაშის უფლება მოეპოვებინა, რადგან პირველი მატჩი სტუმრად 1:1 ჰქონდა ნათამაშები. საგარეო გოლის ფაქტორი გადამწყვეტი აღმოჩნდა და თუ იმასაც გავიხსენებთ, რომ ნორვეგიულ დაპირისპირებაში ეს გოლი ლადო დვალიშვილმა გაიტანა, ისიც ვთქვათ, რომ "ლეგიას" წინსვლაში ქართველს ლომის წილი უდევს.
დვალიშვილი 7 აგვისტოს სასტარტო შემადგენლობაში იყო და აქტიურობდა კიდეც, მაგრამ მიუხედავად იმისა, რომ ბოლო წუთები "მოლდემ" 10 კაცით
7 აგვისტოს რუსეთის ჩემპიონატის I დივიზიონში VII ტურის მატჩებიც გაიმართა. ჩვენების "სკა ენერგიამ" "სიბირს" უმასპინძლა და 2:1 მოუგო.
მიმდინარე სეზონში ეს ხაბაროვსკელთა პირველი საშინაო გამარჯვებაა. მე-13 წუთზე ანგარიში გოგიტა გოგუას პენალტით გახსნა. მოგვიანებით, "სიბირმა" ბალანსი აღადგინა, თუმცა ტაიმის მიწურულს ვალდას ივანაუსკასის გუნდი კიდევ ერთხელ დაწინაურდა.
მიუხედავად იმისა, რომ მეორე ნახევარში "სკა ენერგია" ბევრს უტევდა და საგოლე მომენტებიც მრავლად ჰქონდა, ანგარიში აღარ შეცვლილა.
გოგუაზე უკვე ვთქვით. გოლის გარდა, მან ყვითელი ბარათიც მიიღო, 85-ე წუთზე კი შეცვალეს.
მისგან განსხვავებით, "სკა ენერგიას" მეორე ქართველი გიორგი ნავალოვსკიმ მოედანს ბოლომდე შემორჩა.
ნალჩიკის "სპარტაკმა" სტუმრად "ენისეისთან" წააგო - 0:1. სტუმართა ქართველი ფორვარდი დავით სირაძე თამაშში 63-ე წუთიდან ჩაერთო. თუმცა თავისიანებს ვერაფრით შეეწია.
მატჩის შემდეგ ნალჩიკელთა მწვრთნელმა ტიმურ შიპშევმა დაიჩივლა - ამდენ საგოლე მომენტს რომ ვერ გამოიყენებ, როგორღა უნდა მოიგოო?! როგორც ონლაინრეპორტაჟიდან ჩანს, სირაძეს ასეთი საგოლე შანსი არ მისცემია, მიუხედავად იმისა, რომ მოედანზე ნახევარი საათი დაჰყო.
გიორგი გელაშვილი
ყოველდღიური სპორტული გაზეთი "ლელო"
