ალექსანდრე იაშვილი: თუ ნაკ­რებს ჩე­მი დახ­მა­რე­ბა დას­ჭირ­დე­ბა, ვი­თა­მა­შებ

ალექ­სან­დრე იაშ­ვილ­მა გო­ლის გე­მო გა­იხ­სე­ნა. ვე­ტე­რან­მა ფორ­ვარ­დმა, რო­მე­ლიც ოქ­ტომ­ბრის ბო­ლოს 36 წლის ხდე­ბა, ბა­ქოს "ინ­ტე­რის" მა­ი­სუ­რით პირ­ვე­ლი ბურ­თი გა­ი­ტა­ნა.

აზერ­ბა­ი­ჯა­ნის პრე­მი­ერ­-ლი­გის მეშ­ვი­დე ტურ­ში "ინ­ტერ­მა" თა­ნა­ქა­ლა­ქელ "ბა­ქის" უმას­პინ­ძლა და ფრეს (2:2) გა­მორ­ჩა, რა­საც მთლი­ა­ნად ქარ­თველ თავ­დამ­სხმელს უნ­და უმად­ლო­დეს - იაშ­კამ აქ­ტივ­ში გო­ლი და სა­გო­ლე გა­და­ცე­მა ჩა­ი­წე­რა.

ოღონდ, სა­ქარ­თვე­ლოს ნაკ­რე­ბის ყო­ფი­ლი ფორ­ვარ­დის­გან გან­სხვა­ვე­ბით, მის ამ­ჟა­მინ­დელ კლუბს სა­ზე­ი­მოდ ნამ­დვი­ლად არ აქვს საქ­მე. "ინ­ტერ­მა" სე­ზო­ნი ძა­ლი­ან ცუ­დად და­იწყო და მერ­ვე ტურ­ში ლენ­ქო­რა­ნის "ხა­ზარ­თან" რომ არ ემარ­ჯვა, ათ­გუნ­დი­ა­ნი ჩემ­პი­ო­ნა­ტის ბო­ლოს­წი­ნა ად­გილს თავს ვერც და­აღ­წევ­და.

თუმ­ცა ალექ­სან­დრე იაშ­ვი­ლი დარ­წმუ­ნე­ბუ­ლი­ა, რომ "ქარ­თუ­ლი გუნ­დი" ("ინ­ტერს" კა­ხა ცხა­და­ძე წვრთნის და იაშ­ვი­ლის გარ­და, გუნ­დში გი­ორ­გი ლო­მა­ი­ა, ლა­შა სა­ლუქ­ვა­ძე და ბა­ჩა­ნა ცხა­და­ძეც ირიცხ­ე­ბი­ან. - ავტ.) ჩვე­ულ პო­ზი­ცი­ებს მა­ლე და­იბ­რუ­ნებს.

ვე­ტე­რან ფეხ­ბურ­თელს ბა­ქო­ში შე­ვეხ­მი­ა­ნეთ და თავ­და­პირ­ვე­ლად ლენ­ქო­რან­ში მო­გე­ბულ მატ­ჩზე ვკითხ­ეთ:

- ლენ­ქო­რან­ში მო­გე­ბა ყო­ველ­თვის ჭირს, მით უმე­ტეს, "ხა­ზა­რის" სტა­დი­ონ­ზე მო­ედ­ნის სა­ფა­რი ისეთ ცუდ მდგო­მა­რე­ო­ბა­ში­ა, იქ ფეხ­ბურ­თის თა­მა­ში ძა­ლი­ან ძნე­ლი­ა. ამი­ტო­მაც ჩვენ­თვის ეს ორ­მა­გად მნიშ­ვნე­ლო­ვა­ნი გა­მარ­ჯვე­ბა იყო.

- შენ­თვის უფ­რო მნიშ­ვნე­ლო­ვა­ნი ბა­ქოს დერ­ბი გა­მოდ­გა. რო­გორც იქ­ნა, აზერ­ბა­ი­ჯა­ნის ჩემ­პი­ო­ნატ­ში პირ­ვე­ლი ბურ­თი გა­ი­ტა­ნე...
- გო­ლი ყო­ველ­თვის უდი­დე­სი სი­ა­მოვ­ნე­ბაა და ძა­ლი­ან გა­მი­ხარ­და... თუმ­ცა გუნ­დის წარ­მა­ტე­ბას უფ­რო წინ ვა­ყე­ნებ. გა­მარ­ჯვე­ბა ვერ მო­ვა­ხერ­ხეთ, მაგ­რამ მატ­ჩის შემ­დე­გაც ვთქვი - ყო­ველ სე­ზონ­შია რთუ­ლი პე­რი­ო­დი, რო­მე­ლიც გუნ­დმა უნ­და გა­და­ლა­ხოს. "ხა­ზარ­თან" მატ­ჩმაც გვიჩ­ვე­ნა, რომ "ინ­ტერ­მა" ცუ­დი ხა­ნა უკან მო­ი­ტო­ვა.

- გო­ლის გე­მო თით­ქმის ერ­თწლი­ა­ნი პა­უ­ზის შემ­დეგ გა­იხ­სე­ნე. მი­უ­ხე­და­ვად იმი­სა, რომ კა­რი­ე­რის გან­მავ­ლო­ბა­ში უამ­რა­ვი ბურ­თი გაქვს გა­ტა­ნი­ლი, პირ­ვე­ლი აზერ­ბა­ი­ჯა­ნუ­ლი გო­ლი თავ­და­ჯე­რე­ბა­საც შეგ­მა­ტებ­და...
- "ბო­ხუმ­ში" თა­მა­ში­სას, უმე­ტე­სად, უკან­და­წე­ულს მი­წევ­და თა­მა­ში და გა­საკ­ვი­რი არ არის, გო­ლე­ბი ხში­რად რომ ვერ გამ­ქონ­და. მარ­თა­ლი ხართ, რო­ცა გო­ლის "გე­მო" იცი, გა­ტა­ნა უფ­რო და უფ­რო გსურს. სა­ნამ ფეხ­ბურთს ვთა­მა­შობ, ყვე­ლა­ფერს გა­ვა­კე­თებ, რა­თა ბურთის გატანით სი­ა­მოვ­ნე­ბა ხში­რად მი­ვი­ღო და გუნდს გო­ლე­ბით და­ვეხ­მა­რო.

- კა­ხა ცხა­და­ძე ემო­ცი­უ­რი მწვრთნე­ლია და ალ­ბათ, თა­ვი­სი გუნ­დის წა­რუ­მა­ტებ­ლო­ბას ძა­ლი­ან გა­ნიც­დის.
- მიჩ­ვე­უ­ლი­ა, რომ მის მი­ერ გაწ­ვრთნი­ლი გუნ­დე­ბი მუ­დამ ჩემ­პი­ო­ნო­ბის­თვის იბ­რძვი­ან და ბუ­ნებ­რი­ვი­ა, ძა­ლი­ან უკ­მა­ყო­ფი­ლო­ა. კა­ხა ძლი­ე­რი მწვრთნე­ლი­ა, რო­მე­ლიც დიდ მნიშ­ვნე­ლო­ბას ანი­ჭებს ტაქ­ტი­კას და სწო­რად თა­მაშს.

მის­თვის აუ­ცი­ლე­ბე­ლი­ა, გუნ­დის ყვე­ლა ფეხ­ბურ­თელ­მა ზუს­ტად იცო­დეს, რა ევა­ლე­ბა. ცხა­და­ძეს­თან მუ­შა­ო­ბით დიდ სი­ა­მოვ­ნე­ბას ვი­ღებ...

- მთა­ვა­რი მწვრთნე­ლის გარ­და, "ინ­ტერ­ში" ოთხი ქარ­თვე­ლი ფეხ­ბურ­თე­ლიც ხართ. აზერ­ბა­ი­ჯა­ნე­ლებს ეს ხომ არ აღი­ზი­ა­ნებთ?
- ნაკ­რებ­ში ერ­თად ბევ­რჯერ გვი­თა­მა­შია და ერ­თად ყოფ­ნით ახ­ლაც დიდ სი­ა­მოვ­ნე­ბას ვი­ღებთ... აქა­უ­რებს რაც შე­ე­ხე­ბა, "ინ­ტე­რის" ყვე­ლა წარ­მა­ტე­ბა ქარ­თვე­ლებს უკავ­შირ­დე­ბა და ად­გი­ლობ­რი­ვე­ბი დიდ პა­ტივს გვცე­მენ. შე­საძ­ლო­ა, ზო­გი­ერ­თებს მარ­თლაც აღი­ზი­ა­ნებ­დეს, მა­თი საყ­ვა­რე­ლი კლუ­ბის წარ­მა­ტე­ბა­ში ლო­მის წი­ლი უცხ­ო­ე­ლებს რომ შე­აქვთ, მაგ­რამ რო­ცა ცდი­ლობ და­ამ­ტკი­ცო, რომ კონ­კუ­რენ­ტზე უკე­თე­სი ხარ, ბრძო­ლა ყო­ველ­თვის წი­ნა­აღ­მდე­გო­ბე­ბით არის აღ­სავ­სე...

- აზერ­ბა­ი­ჯა­ნის ჩემ­პი­ო­ნა­ტის სპე­ცი­ფი­კა­ზე რას იტყ­ვი, თავ­დამ­სხმე­ლის­თვის ძნე­ლია იქ თა­მა­ში?
- ბურთის გა­ტა­ნა ყველ­გან და ყო­ველ­თვის ძნე­ლი­ა... მით უმე­ტეს, კარ­გა ხა­ნი­ა, თავ­დამ­სხმე­ლად აღარ მი­თა­მა­შია (ი­ცი­ნის).

- უკ­ვე რამ­დე­ნი­მე თვე­ა, "ინ­ტერ­ში" ხარ... დღე­ვან­დე­ლი გა­და­სა­ხე­დი­დან რო­გორ შე­ა­ფა­სებ - ბა­ქო­ში გა­და­ბარ­გე­ბა სწო­რი გა­დაწყ­ვე­ტი­ლე­ბა იყო?
- დღე­საც ვფიქ­რობ, რომ სწო­რად მო­ვი­ქე­ცი. თა­ნაც, 35 წლის ასაკ­ში ყვე­ლა­ფერს ყუ­რადღ­ე­ბას აქ­ცევ... გერ­მა­ნი­ა­ში დარ­ჩე­ნა თა­ვი­სუფ­ლად შე­მეძ­ლო, MLS-ი­და­ნაც (აშ­შ-ის უმაღ­ლე­სი ლი­გა. - ავტ.) ძა­ლი­ან სა­ინ­ტე­რე­სო წი­ნა­და­დე­ბა მი­ვი­ღე. თუმ­ცა, გერ­მა­ნი­ა­ში 17 წლის ცხოვ­რე­ბის შემ­დეგ ჩემი ოჯა­ხის წევ­რებს თბი­ლის­ში დაბ­რუ­ნე­ბა სურ­დათ, მე კი ფეხ­ბურ­თის თა­მა­შით ჯერ კი­დევ დიდ სი­ა­მოვ­ნე­ბას ვი­ღებ!

ჩემს გა­დაწყ­ვე­ტი­ლე­ბა­ზე ცხა­და­ძის ფაქ­ტორ­მაც დი­დი გავ­ლე­ნა მო­ახ­დი­ნა - კა­ხა რომ არ იყოს "ინ­ტე­რის" მწვრთნე­ლი, დღეს აქ ნამ­დვი­ლად არ ვიქ­ნე­ბო­დი!

- ზუ­რაბ ხი­ზა­ნიშ­ვი­ლის გა­დაწყ­ვე­ტი­ლე­ბა­ზე რას ფიქ­რობ, ხომ არ იჩ­ქა­რა ნაკ­რე­ბი­დან წას­ვლა?
- ზუ­რას არ­ჩე­ვან­მა ძა­ლი­ან დამ­წყვი­ტა გუ­ლი. სა­ქარ­თვე­ლოს ნაკ­რებს მის­ნა­ი­რი ფეხ­ბურ­თე­ლე­ბი ძა­ლი­ან ცო­ტა ჰყავს და დარ­წმუ­ნე­ბუ­ლი ვარ, ზუ­რას კი­დევ შე­უძ­ლია გუნ­დის­თვის დახ­მა­რე­ბის გა­წე­ვა.

- ხომ არ ნა­ნობ, თა­ვის დრო­ზე თა­ვა­დაც რომ არ მი­ი­ღე ნაკ­რე­ბი­დან წას­ვლის გა­დაწყ­ვე­ტი­ლე­ბა?
- არც ერ­თი წა­მით! სა­ნამ მოქ­მე­დი ფეხ­ბურ­თე­ლი ვარ, თუ ნაკ­რებს ჩე­მი დახ­მა­რე­ბა დას­ჭირ­დე­ბა, ეროვ­ნულ გუნ­დში ყო­ველ­თვის ვი­თა­მა­შებ!

- თე­მურ ქეც­ბა­ი­ას­თან თუ გი­ლა­პა­რა­კია ამ თე­მა­ზე? ნაკ­რე­ბის მწვრთნელ­თან კონ­ტაქ­ტი დღემ­დე გაქვს?
- ერ­თხელ ვი­ლა­პა­რა­კეთ; და­ახ­ლო­ე­ბით, ერ­თი წლის წინ. მას შემ­დეგ აღარ გვი­სა­უბ­რი­ა...

- თით­ქმის მთე­ლი კა­რი­ე­რა ევ­რო­პა­ში გაქვს გა­ტა­რე­ბუ­ლი... აზერ­ბა­ი­ჯა­ნის დე­და­ქა­ლაქს რო­გორ მი­ეჩ­ვი­ე?
- რა თქმა უნ­და, ცხოვ­რე­ბის სტი­ლი ძა­ლი­ან გან­სხვა­ვე­ბუ­ლი­ა, მაგ­რამ რად­გან გა­დავ­წყვი­ტე, ამის­თვი­საც მზად ვი­ყა­ვი...

რაც შე­ე­ხე­ბა სა­ფეხ­ბურ­თო მხა­რეს, გა­ო­ცე­ბუ­ლი ვარ, აქა­უ­რე­ბი იმ­დენს აკე­თე­ბენ ეროვ­ნუ­ლი ჩემ­პი­ო­ნა­ტის გან­ვი­თა­რე­ბის­თვის. უამ­რა­ვი ფუ­ლიც იხარ­ჯე­ბა და ამი­ტომ არის, აზერ­ბა­ი­ჯა­ნულ კლუ­ბებ­ში სხვა­დას­ხვა ქვეყ­ნის ნაკ­რე­ბის არა­ერ­თი ფეხ­ბურ­თე­ლი რომ თა­მა­შობს...

- ბო­ლო ინ­ტერ­ვი­უ­ში მითხ­ა­რი, სე­ზო­ნის ბო­ლოს კა­რი­ე­რის დას­რუ­ლე­ბა­ზე დავ­ფიქ­რდე­ბი­ო...
- ამა­ზე ისე­დაც სულ ვფიქ­რობ... მაგ­რამ ამ ეტაპ­ზე მთა­ვა­რი იმ მიზ­ნე­ბის მიღ­წე­ვა­ა, რაც კლუბ­თან ერ­თად მაქვს. სე­ზო­ნის ბო­ლოს კი აუჩ­ქა­რებ­ლად გა­დავ­წყვეტ, რა და რო­გორ იქ­ნე­ბა...

- ფეხ­ბურ­თე­ლის კა­რი­ე­რის დას­რუ­ლე­ბის შემ­დეგ სად გა­აგ­რძე­ლებს მუ­შა­ო­ბას ალექ­სან­დრე იაშ­ვი­ლი?
- და­ინ­ტე­რე­სე­ბუ­ლი ვარ სპორ­ტუ­ლი მე­ნეჯ­მენ­ტით. მინ­და, გერ­მა­ნი­ა­ში ბო­ლომ­დე, სა­ფუძ­ვლი­ა­ნად შე­ვის­წავ­ლო ეს სფე­რო. მე­რე კი ვნა­ხოთ...

ესაუბრა რატი შელეგია
გაზეთი "ყველა სიახლე"

ასევე იხილეთ:
ალექსანდრე იაშვილი: სწორედ ამისთვის ვთამაშობ ფეხბურთს