ხორვატიის პირველობაზე 14 ტურის შემდეგ ორხელისუფლებიანობაა - 30-30 ქულით სპლიტის "ჰაიდუკი" და ზაგრების "დინამო" ლიდერობენ. გიორგი ილურიძის "ჰაიდუკი" ბურთების უკეთესი სხვაობის წყალობით პირველია, რაშიც უკვე დიდი წვლილი თავად ქართველ შემტევს მიუძღვის. 21 წლის ილურიძემ "ლოკომოტივასთან" მატჩში (3:1) გაიბრწყინა. 37-ე წუთზე მან მარკო ბენკუნს ანგარიში გაახსნევინა, ისედაც ძალიან აქტიური იყო და "პოლიუდზე" ტექნიკის დემონსტრირება რამდენჯერმე მოახდინა.
სწორედ ამ მატჩს ეხმიანება ხორვატიული "გოლი", რომელიც სტატიას აქვეყნებს სათაურით: "ტიკი-ტაკა პოლიუდზე". სტატიაში, ძირითადად, დუბლის ავტორი ბენკუნია ცაში აყვანილი, თუმცა არც ილურიძეა დავიწყებული.
"ჰაიდუკმა" "პოლიუდზე"
"ბენკუნის პირველი გოლი ფანტასტიკურ ვითარებაში გავიდა, "ჰაიდუკის" კომბინაციამ "ბარსელონას" ტიკი-ტაკა მოგვაგონა. კომბინაცია ჟან კუასიმ დაიწყო, შემდეგ ბურთი გიორგი ილურიძემ მიიღო. ქართველმა ჯერ კედელი ანდრიაშევიჩთან გაითამაშა, შემდეგ კი ბენკუნი მოძებნა. ბენკუნის დარტყმამ კი "პოლიუდი" სიხარულისგან "ააფეთქა".
აღსანიშნავია, რომ ჩვენებურმა 4-2-3-1 სისტემაში ცენტრფორვარდის ადგილზე ითამაშა.
ასევე იხილეთ:
გიორგი ილურიძე: რატომ ვარ, ხალხო, მოღალატე?
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
![ჩემპიონთა ლიგა. II ტური: კიტეიშვილის "შტურმი" დამარცხდა - "რეალმაც" წააგო და "ბაიერნმაც" [VIDEO]](/pictures/image7/f145e22a3f2baf4be92726f50e2d7a04.jpg "ჩემპიონთა ლიგა. II ტური: კიტეიშვილის \"შტურმი\" დამარცხდა - \"რეალმაც\" წააგო და \"ბაიერნმაც\" [VIDEO]")
![ჩემპიონთა ლიგა. I ტური: "ბაიერნმა" 9:2 გაიმარჯვა, "ლივერპულმა" სტუმრად "მილანს" სძლია, "რეალმა" "შტუტგარტს" მოუგო [VIDEO]](/pictures/image7/7e24400a4c537f0c4de463dc603d744d.jpg "ჩემპიონთა ლიგა. I ტური: \"ბაიერნმა\" 9:2 გაიმარჯვა, \"ლივერპულმა\" სტუმრად \"მილანს\" სძლია, \"რეალმა\" \"შტუტგარტს\" მოუგო [VIDEO]")
