ჰოლანდიის ერთ-ერთმა ცნობილმა გაზეთმა "ალგემეენ დაგბლადმა" (მოკლედ AD) სპეციალური სტატია მიუძღვნა ჰოლანდიის ჩემპიონატის მე-12 ტურის ერთ-ერთ გმირ ვაკო ყაზაიშვილს, რომლის გოლმაც "ვიტესს" "ამსტერდამ არენაზე" მოაგებინა. "20 წლის ვალერი ყაზაიშვილისთვის "ამსტერდამ არენაზე" თამაში ბავშვობის ოცნების ახდენა იყო. შაბათს "ვიტესის" ახალგაზრდა შემტევმა ამ სტადიონზე თამაშის ბედი გადაწყვიტა, ბოლო წუთზე "აიაქსის" კარში ერთადერთი გოლი გაიტანა.
"ეს ისეთი გოლია, როგორზეც მთელი ბავშვობა ოცნებობ", - აღნიშნა თამაშის მერე ქართველმა ფეხბურთელმა.
"ის, რომ ამხელა სტადიონზე, მნიშვნელოვანი თამაშის ბედი გადავწყვიტე, დიდი კლუბის წინააღმდეგ თამაშისას, განსაკუთრებულ სიამაყეს მმატებს.
ყაზაიშვილი ისევ იხსენებს გოლს, რომლის წყალობითაც ჰოლანდია აალაპარაკა: "კონტრშეტევაზე მოულოდნელად მივიღე ბურთი და მაშინვე მივხვდი, რომ ამ მომენტისგან რაღაც უნდა გამოსულიყო. წინ სივრცე იყო. შევამჩნიე მეკარის მოძრაობა და გადავწყვიტე შორეულ კუთხეში დარტყმა. როგორც გამოჩნდა, სწორი გადაწყვეტილება მივიღე".
20 წლის ფეხბურთელს ჩემპიონატში უკვე სამი გოლი აქვს გატანილი და შეიძლება კიდევ უფრო მოუმატოს, რადგან: "ხშირად უნდა ვურტყა კარში. საამისოდ მცირე სივრცეც მყოფნის. მწვრთნელმა უკვე მომცა რჩევა ამის შესახებ. გოლმა კი ძალიან გამახარა, რადგან "ვიტესი" ლიდერთა შორის დამკვიდრდა. ჩვენ სწორ გზას ვადგავართ", - განუცხადა AD-ს ყაზაიშვილმა.
"დე ტელეგრააფი" წერს, რომ მერაბ ჟორდანია, რომელიც მართალია, "ვიტესის" მეპატრონე აღარ არის, მაგრამ პრეზიდენტად რჩება, თამაშის შემდეგ გასახდელში ჩავიდა და პირადად მიულოცა ოცი წლის ქართველს დიდი წარმატება. ჟორდანიამ განაცხადა, რომ ამაყია ვაკოს მიღწევით.
ასევე იხილეთ:
ვაკო ყაზაიშვილმა "აიაქსს" გაუტანა - "ვიტესმა" ამსტერდამში მოიგო [VIDEO]
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
![ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]](/pictures/image7/6927ea656037d9afca6e5252851fa865.jpg "ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]")
![ყაზაიშვილის ულამაზესი გოლი და შედეგიანი გადაცემა ჩინეთის ჩემპიონატში - ქართველი ფეხბურთელი კარგ ფორმაშია [VIDEO]](/pictures/image7/015e4726a8b10234191eb88900e8ed16.jpg "ყაზაიშვილის ულამაზესი გოლი და შედეგიანი გადაცემა ჩინეთის ჩემპიონატში - ქართველი ფეხბურთელი კარგ ფორმაშია [VIDEO]")
![ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]](/pictures/image7/ee330124588ac529496941a9f620742c.jpg "ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]")
