რუმინული მედიის მიერ გავრცელებული ინფორმაციით, საქართველოს ნაკრების 21 წლის შემტევი გიორგი ჭანტურია რუმინულ "კლუჟს" უბრუნდება. როგორც ჩანს, კლუბის ხელმძღვანელობამ მოახერხა გუნდში არსებული უმწვავესი ფინანსური კრიზისის ნაწილობრივ მოგვარება მაინც. წინააღმდეგ შემთხვევაში, გიორგი ამ ნაბიჯს ნამდვილად არ გადადგამდა და არც თავად "კლუჟის" უფროსობა იფიქრებდა იმ ფეხბურთელის დაბრუნებაზე, ვინც სწორედ ფინანსური კრიზისის გამო აიბარგა.
ამ დროისთვის "კლუჟი" რუმინეთის ჩემპიონატში მეორე ადგილზეა და "სტიაუას" 9 ქულით ჩამორჩება. გავრცელებული ინფორმაციით, ჭანტურიასთან ერთად გუნდს კიდევ რამდენიმე ისეთი ფეხბურთელი დაუბრუნდება, რომლებიც გუნდიდან ცოტა ხნის წინ წავიდნენ ან
ვწერდით, რომ ჭანტურიას გადაბირება რამდენიმე რუმინულ გუნდს სურდა. მათ შორის განსაკუთრებით აქტიურობდა კრაიოვას "უნივერსიტატია", თუმცა ქართველმა ფეხბურთელმა ამ გუნდში გადასვლისაგან თავი შეიკავა.
ჩვენი ინფორმაციით, ჭანტურია ერთ-ერთი იაპონური გუნდის ვარიანტსაც კი განიხილავდა. რუმინელები წერენ, რომ "ქართველი მესი" (ასე მოიხსენიებენ ისინი ჭანტურიას) ზაფხულამდე დარჩება "კლუჟში" და მერე იტალიურ "ვერონას" დაუბრუნდება.
როგორც შევიტყვეთ, ჭანტურიას მომავალი გარკვეული არ არის. ეს ინფორმაცია გიორგის უახლოესი გარემოცვისგან მოვიპოვეთ. იმედი გვაქვს, ჩვენებური კარიერას უკეთეს გუნდში გააგრძელებს, ვიდრე "კლუჟია".
ყოველდღიური სპორტული გაზეთი "ლელო"
![ხვიჩა მწყობრიდან გამოიყვანეს - "ნაპოლიმ" სერია A საშინელი მარცხით დაიწყო [VIDEO]](/pictures/image7/4f2b47d43c9ccb7c2ffd141631a93ec2.jpeg "ხვიჩა მწყობრიდან გამოიყვანეს - \"ნაპოლიმ\" სერია A საშინელი მარცხით დაიწყო [VIDEO]")
