საქართველოს ნაკრებისა და დონეცკის "შახტარის" ფეხბურთელმა დავით თარგამაძემ შესაძლოა კარიერა ბელორუსში გააგრძელოს, სადაც მისი გადაბირებით ქვეყნის ჩემპიონი ბორისოვოს ბატე და მინსკის "დინამო" არიან დაინტერესებულნი. ამის შესახებ უკრაინული საიტი matchday.ua იუწყება.
როგორც უკრაინელები წერენ, ამჟამად დათო ფორმის შენარჩუნებაზე "შახტარის" ახალგაზრდულ გუნდში ზრუნავს. მისი გადაბირება უკრაინაში "ჰოვერლას" სურდა, მაგრამ ქართველმა ფეხბურთელმა უჟგოროდში კარიერის გაგრძელება არ ისურვა.
შეგახსენებთ, რომ 25 წლის ნახევარმცველმა სეზონი მარიუპოლის "ილიჩევეცში" იჯარით დაიწყო, თუმცა უკრაინაში არსებული პოლიტიკური ვითარების გამო გუნდი დატოვა.
