უკრაინის ოცწლამდელთა ნაკრებმა, რომელიც მსოფლიოს ჩემპიონატისთვის ემზადება, ბელორუსის ახალგაზრდულ გუნდს ამხანაგურ შეხვედრაში მინიმალური ანგარიშით, 1:0 მოუგო. ამ შეხვედრაზე ყურადღებას არც გავამახვილებდით, რომ არა ერთი საინტერესო ფაქტი - უკრაინის ნაკრების შემადგენლობაში, 71-ე წუთზე, მარიუპოლის "ილიჩევეცის" წარმოშობით ქართველი მცველი, ზურაბ ოჩიგავა გამოჩნდა. მან თამაშის ბოლომდე ყვითელი ბარათის მიღებაც მოასწრო.
ოჩიგავა 1995 წლის 18 მაისს დაიბადა. ის მარიუპოლის საფეხბურთო სკოლის აღზრდილია და "ილიჩევეცის" მთავარ გუნდში დაწინაურებამდე ამავე კლუბის დუბლშემადგენლობაში თამაშობდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![უკრაინის ჩემპიონატში გოლი მიხეილ მესხმა გაიტანა [VIDEO]](/pictures/image7/794325cded14253ddc9a0d1813776eb2.jpg "უკრაინის ჩემპიონატში გოლი მიხეილ მესხმა გაიტანა [VIDEO]")
