საქართველოს ახალგაზრდული ნაკრების შემტევი, 20 წლის დავით დარციმელია, დიდი ალბათობით, კარიერას დონეცკის "ოლიმპიკში" გააგრძელებს. უკრაინელებს ქართველი შემტევის გადაბირება თურმე ძალიან უნდათ. ბოლოს დარციმელია უნგრულ "სპარტაკუსში" თამაშობდა, თუმცა ამ გუნდს რანგით მესამე ლიგაში აქვეითებენ და კიდევ ერთ ქართველთან, ზურაბ არზიანთან ერთად, წამოსვლა არჩია.
დარციმელიას უკვე აქვს უკრაინაში თამაშის გამოცდილება. ის "სევასტოპოლის" ღირსებას იცავდა. ცნობილი მოვლენების შემდეგ ეს გუნდი დაიშალა. რაც შეეხება "ოლიმპიკს", უკრაინის ჩემპიონატში დონეცკელებმა მეათე ადგილი დაიკავეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
