უეფას ოფიციალურმა საიტმა ევროპალიგის ჯგუფური ეტაპის მონაწილე 48 კლუბის მწვრთნელებისგან სიმბოლური ნაკრები შეადგინა და ამ ნაკრებში ქართველი თემურ ქეცბაიაცაა.რა პრინციპით შედგა ეს სიმბოლური ნაკრები?
48 მწვრთნელიდან ის 11 შეირჩა, რომელთაც უკეთესი საფეხბურთო კარიერა ჰქონდათ. მოგეხსენებათ, კვიპროსული აპოელ-ის თავკაცს, სხვა თუ არაფერი, ინგლისური პრემიერლიგის "ნიუკასლ იუნაიტედში" უთამაშია.
სიმბოლური ნაკრები კი ასე გამოიყურება: პრიუდომი (ბრიუგე) - სანიოლი (ბორდო), ბერგი (ლეგია), დე ბური (აიაქსი), პოჩეტინო (ტოტენჰემი) - მიჩელი (მარსელი), სოუზა (ფიორენტინა), ტუდორი (პაოკ) - სა პინტუ (ბელენენსეში), ვალვერდე (ბილბაო), ქეცბაია (აპოელ-ი).
