26 აგვისტოს, პოლონეთის ჩემპიონატში VII ტურის ორი შეხვედრა გაიმართა, რომლებშიც ქართველი ლეგიონერების გუნდებმა ითამაშეს.ვროცლავის "შლიონსკიმ", რომლის ღირსებას ლაშა დვალი იცავს, სტუმრად კრაკოვის "ვისლა" ანგარიშით 5:1 გაანადგურა. 21 წლის ქართველმა მცველმა, რომელიც მსოფლიოს 2018 წლის შესარჩევისთვის ეროვნულ ნაკრებშია გამოძახებული, მატჩი შეუცვლელად ჩაატარა.
საკუთარ მოედანზე მარცხი იწვნია გიორგი მერებაშვილის გუნდმა პლოცკის "ვისლამ", რომელმაც "კორონასთან" ანგარიშით 1:2 წააგო. მერებაშვილი თამაშში 59-ე წუთიდან ჩაერთო.
პოლონეთის ჩემიონატის სატურნირო ცხრილში ლაშა დვალის გუნდს 10 ქულით მე-6 ადგილი უკავია, 8 ქულით მე-10-ზეა მერებაშვილის "ვისლა".
