28 ოქტომბერს გერმანიის მეორე ბუნდესლიგაში მორიგი მატჩი ჩაატარა გერმანიის მოქალაქეობის მქონე აკაკი გოგიამ. მისმა გუნდმა დრეზდენის "დინამომ" მე-11 ტურის შეხვედრაში საკუთარ მოედანზე სატურნირო ცხრილის ლიდერი ბრაუნშვეიგის "აინტრახტი" მიიღო და მეტოქე დაძაბულ ბრძოლაში, ანგარიშით 3:2 დაამარცხა.
დრეზდენელები მატჩის 52-ე წუთისთვის ორბურთიანი სხვაობით აგებდნენ, თუმცა დარჩენილ დროში სტეფან კუჩკეს ჰეთ-თრიქით გამარჯვება მაინც მოახერხეს. აკაკი გოგიამ შეხვედრა შეუცვლელად ჩაატარა.
11 ტურის შემდეგ დრეზდენის "დინამოს" 16 ქულა აქვს და სატურნირო ცხრილში მეშვიდე-მერვე ადგილებს "ფორტუნასთან" იყოფს, რომელსაც თამაშით ნაკლები აქვს ჩატარებული.
![გოლი, საგოლე პასი, 0:7 - ქართველი ლეგიონერების შაბათი [VIDEO]](/pictures/image7/3f676c82d932a292e05909aaa791a600.jpg "გოლი, საგოლე პასი, 0:7 - ქართველი ლეგიონერების შაბათი [VIDEO]")
