ლანჩხუთის "გურია" სეზონის განახლებისთვის მზადებას ლანჩხუთში განაგრძობს, მაგრამ თოვლმა ვარჯიში შეუძლებელი გახადა და წვრთნა რამდენიმე დღით შეაჩერა. თუმცა გიგლა იმნაძის შეგირდებს დრო უქმად არ დაუკარგავთ - სამ დღეში ორი საკონტროლო მატჩი გამართეს. ჯერ გრიგოლეთში ფოთის "კოლხეთს" ეპაექრნენ და მეზობლები ტარიელ კუკულაძისა და ახალწვეულ ლაშა ჯანგიძის გოლებით 2:0 დაამარცხეს, შაბათს კი "გურია" ზუგდიდში "ბაიას" ესტუმრა და ამჯერადაც მოიგო - 2:1 (გოლები: გიგა კვერენჩხილაძე, რევაზ კუკულაძე).
ლანჩხუთელებს სამი მოგებული ტესტ-მატჩი დაუგროვდათ - პირველში ოზურგეთის "მერცხალი" 4:1 დაამარცხეს.
როგორც გიგლა იმნაძემ გვითხრა, კლუბში
ამ ეტაპზე ცნობილი მხოლოდ ის არის, რომ ლანჩხუთელთა ღირსებას დაიცავს არდალიონ მიქაბერიძე. "გურიას" მეკარის პრობლემა ჰქონდა და ამიტომ მოლაპარაკებას რამდენიმე მეკარესთან აწარმოებდა - საბოლოოდ, როგორც ჩანს, გურულებმა არჩევანი "ვიტ ჯორჯიას" ყოფილ კიპერზე გააკეთეს.
მომდევნო საკონტროლო შეხვედრას "გურია" 25 იანვარს გრიგოლეთში გამართავს ბათუმის "დინამოსთან".
ყოველდღიური სპორტული გაზეთი "ლელო"
