ახლახან საქართველოში "სალერის თასი" გაიმართა ნორჩ ფეხბურთელთა შორის, რომელშიც უკრაინული "დნიპროს" ფეხბურთელთა გუნდიც მონაწილეობდა. უკრაინაში დაბრუნების შემდეგ "დნიპროს" აკადემიის ხელმძღვანელმა ჟორდი გრატაკოსმა ინტერვიუ მისცა იქაურ მედიას და ქართული შთაბეჭდილებები გაუზიარა.
გაგაცნობთ ამ ინტერვიუდან საინტერესო ამონარიდებს.
- როგორ მოხვდით ქართულ ტურნირზე?
- მე ქართველი მეგობარი მყავს, რომელთანაც ერთად "ბარსელონაში" ვმუშაობდი. ახლა ის "საბურთალოს" სპორტული დირექტორია. სწორედ მისი იდეა იყო ეს ტურნირი და სიამოვნებით დავთანხმდით, ეს ხომ ფანტასტიკური გამოცდილებაა.
ტურნირზე ჩვენ განზრახ წავედით ასაკით უმცროსი ფეხბურთელებით. ეს ჩვენი აკადემიის განვითარების ტაქტიკაა: გამარჯვებული
საბოლოოდ მესამე ადგილი დავიკავეთ, რადგან "მაქაბისთან" მესამე ადგილისთვის მატჩი არ შედგა, მათ კი ჯგუფში ვაჯობეთ - 2:1.
- ქართულ პრესაში იწერებოდა, რომ ტურნირს ბევრი სკაუტი ესწრებოდა...
- დიახ, იყვნენ სკაუტები "ლივერპულიდან" და მილანის "ინტერიდან". უკვე გადაწყდა, რომ "საბურთალოს" ერთ-ერთი აღზრდილი "ლივერპულში" მიდის, მეორე კი - "ატლეტიკოში"! ორივე 1995 წელს არის დაბადებული.
საქმე იმაშია, რომ "საბურთალოს" პროფესიული გუნდი არ ჰყავს და ისინი მოხარულნი არიან ასეთი ტრანსფერებით, ჩვენ კი სხვა ამოცანა გვაქვს - "დნიპროს" პროფესიონალები უნდა აღვუზარდოთ.
- ალბათ, ქართველები მხოლოდ მატჩებს არ დაგაჯერებდნენ, იქნებოდა სხვა ღონისძიებებიც...
- მწვრთნელებმაც ვითამაშეთ. ჩვენს ტურნირს სპორტის მინისტრი დაესწრო, საინტერესო იყო. ბიჭებმა თბილისი დაათვალიერეს.
საქართველოში ძალიან თბილად დაგვხვდნენ. "დნიპრო" იქ უყვართ, რადგან აქ სამი ქართველი: ჯაბა კანკავა, სანდრო კობახიძე და უჩა ლობჟანიძე თამაშობს.
* * *
ჩვენი მხრიდან დავამატებთ, რომ "ლელო" უკვე წერდა "საბურთალოს" ბიჭებით "ლივერპულისა" და "ატლეტიკოს" დაინტერესებაზე. სავარაუდოდ, ერთ-ერთი ფეხბურთელი, რომელზეც გრატაკოსი საუბრობს, მცველი ჯიმი ტაბიძეა. "ლელო" წერდა, რომ საუბარი იყო ნახევარმცველებზეც, გიორგი თევზაძესა და გიორგი ხარაიშვილზე. ასევე იხილეთ:
ესპანელი სელექციონერი: საქართველო საინტერესო და პერსპექტიული ბაზარია
თითქოს კარგია ხომ ქართველი ბავშვების ლივერპულში და ატლეტიკოში მიწვევა?
მაგრამ შემოსული ფული სად მიდის? რომელიმე ქართულ კლუბს შესდის? სად წავიდა დღეს უცხოეთში მოთამაშე ჩვენი ფეხბურთელების სანაცვლოდ შემოსასვლელი დაახლოებით 30-50 მილიონი?..
სად წავიდა და არც შემოსულა, შემოვიდა მიზერი და ისიც წავიდა საფეხბურთო სკოლების დირექტორების და აგენტების ჯიბეებში...
ამ დროს კლუბები სულს ღაფავენ...
ჩვენნაირი ქვეყნის გუნდები ფეხბურთელების გაყიდვით უნდა შოულობდნენ ფულს, მაგრამ როგორ იშოვიან როდესაც ყველა პექრსპექტიული ბავში ყმაწვილობაშივე გაყვანილია ქვეყნიდან და კლუბებამდე ვერც აღწევენ...
ჩვენ კიდევ გვიხარია რაღაც გაურკვეველი პერსპექტივის, რომ ოდესრაც ეს ბავშვი 5-6 წლის შემდეგ რაღაცას მიაღწევს და ნაკრებს გამოადგება, თითქოს ნაკრებით იწყებოდეს და მთავრდებოდეს ჩვენი ფეხბურთი, და ისიც ან კი ან არა...
თორემ ლივერპულში და ატლეტიკოში ფეხბურთელის წასვლა რატომ უნდა გეწყინოს...