საქართველოს 19-წლამდელთა ნაკრების საბაზო გუნდი თბილისის "ლოკომოტივი" ვალენსიასთან ახლოს მდებარე საკურორტო ქალაქ ალბირიში ემზადება. ვასილ მაისურაძის გაწვრთნილებმა 1-ელ თებერვალს მეორე საკონტროლო შეხვედრა პოლონეთის ექსტრაკლასას "პიასტთან" გამართეს და 0:3 დათმეს. მაისურაძემ მეტწილად ის ფეხბურთელები ათამაშა, რომლებმაც "ბარსელონასთან" ძირითადში ვერ ითამაშეს.
იხილეთ: თბილისის "ლოკომოტივმა" ესპანეთში "ბარსელონა" (U19) დაამარცხა [VIDEO+PHOTO]
ანგარიში მე-40 წუთზე პოლონელთა ესპანელმა ლეგიონერმა რუბენ ხურადომ გახსნა. 90-ე წუთზე მსაჯმა გიორგი მაკასარაშვილი გააძევა, რის შემდეგაც იმავე ხურადომ პენალტის ნიშნულიდან "ლოკომოტივს" მეორე გოლიც გაუტანა. 91
"ლოკომოტივის" მენეჯერ თამაზ ბოკერიას თქმით, მარტო ალეკო მზევაშვილმა სამი რეალური საგოლე მომენტი ვერ გამოიყენა. თავის გამოჩენა შეეძლოთ გიორგი არაბიძესა და ლუკა ზარანდიასაც.
ლოკომოტივი: მიქავა (46. ბენდიანიშვილი), ჩიტეიშვილი, გაბაძე, მაკასარაშვილი, კუსიანი, აბურჯანია (60. პატარკაციშვილი), სულთანიშვილი (46. წივწივაძე), მზევაშვილი (77. კიკაბიძე), გუგუშვილი (62. ზარანდია), კანჭაშვილი (72. გოროზია), მ. გავაშელიშვილი (46. არაბიძე).
2 თებერვალს "ლოკომოტივი" ლა მანგას სპორტულ ცენტრში ნორვეგიულ "ოდ გრენლანდს" შეხვდა და 1:3 დამარცხდა.
ვასილ მაისურაძის შეგირდები მომდევნო მატჩს, სავარაუდოდ, 5 თებერვალს გამართავენ. მეტოქე 3 თებერვალს დაზუსტდება. სხვათა შორის, "ლოკომოტივს" ფიზმომზადებაში ეხმარება ფერნანდო გასპარი, რომელსაც ესპანეთში ამ სფეროს ერთ-ერთ საუკეთესო სპეციალისტად მიიჩნევენ.
შენიშნავდით, რომ "ლოკომოტივის" შემადგენლობაში გორის "დილას" ფეხბურთელმა გიორგი აბურჯანიამ ითამაშა. ბოკერიას თქმით, 18 წლის ნახევარმცველი მაისამდე სწორედ "ლოკომოტივში" ითამაშებს.
გიორგი საქართველოს 19-წლამდელთა ნაკრების ერთ-ერთი წამყვანი ფეხბურთელია და ელიტრაუნდამდე ნაკრების საბაზო გუნდში ვარჯიში და თამაში ამიტომაც ამჯობინა.
ყოველდღიური სპორტული გაზეთი "ლელო"
![ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]](/pictures/image7/c5a32470b834243e413df9ddfe107e7e.jpg "ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]")
