გორის "დილა" ევროტურნირისა და ზოგადად, ახალი სეზონისთვის უნგრეთის ნაკრების ბაზაზე უნდა მომზადებულიყო. ამის თაობაზე "ლელოს" მკითხველს ვაცნობეთ კიდეც, თუმცა, როგორც ირკვევა, საქართველოს ჩემპიონი შეკრებაზე მიდის თურქეთში და არა - უნგრეთში. საინტერესოა, რატომ შეიცვალა მარშრუტი? მიზეზი "დილას" მწვრთნელმა უჩა სოსიაშვილმა განგვიმარტა:
"ყველაფერი გადაწყვეტილი იყო, თუმცა ჩვენთვის აბსოლუტურად მოულოდნელად დიდი პრობლემის წინაშე აღმოვჩნდით. საქმე ეხება ვიზებს.
კიდევ კარგი, უმოკლეს ვადაში გადაიჭრა პრობლემა და თურქეთში მივდივართ შეკრებაზე, სადაც ასევე კარგი პირობებია.
რაც შეეხება ალეკო ამისულაშვილს, გიორგი ნავალოვსკისა და ნუკრი რევიშვილს, ისინი ხვალ შემოგვიერთდებიან",
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
