ფეხბურთის განვითარების ხელშემწყობ სამთავრობო კომისიაში უახლოეს მომავალში ფეხბურთის ფედერაციის პრეზიდენტს ველოდებით, რომ წარმოადგინოს გეგმა, თუ რა უნდა გაკეთდეს ქართული ფეხბურთისთვის, - ამის შესახებ ჟურნალისტებს ენერგეტიკის მინისტრმა, ვიცე-პრემიერმა კახა კალაძემ განუცხადა.რაც შეეხება ფეხბურთის ფედერაციის პრეზიდენტის არჩევნებთან დაკავშირებით გავრცელებულ ფარულ ჩანაწერს, რომელშიც რევაზ არველაძე უეფა-ს ვიცე-პრეზიდენტს, გრიგორი სურკისსა და არჩევნების დელეგატებს ესაუბრება, კალაძემ აღნიშნა, რომ მასში ვერაფერი ისეთი ვერ ნახა.
"ისინი აპელირებდნენ იმით, რომ ითხოვდნენ დაკავებული ადამიანის გამოშვებას და მაშინ მიიღებდნენ მონაწილეობას არჩევნებში.
რაც შეეხება ფეხბურთის განვითარების ხელშემწყობ სამთავრობო კომისიას, კალაძემ განაცხადა, რომ აღნიშნული კომისიის წევრი თავადაც არის და უახლოეს მომავალში ელოდებიან ფეხბურთის ფედერაციის პრეზიდენტს, რომ მან წარადგინოს გეგმა, თუ რა უნდა გაკეთდეს ქართული ფეხბურთისთვის, სად უნდა ჩაერიოს სახელმწიფო, როგორც უნდა დაეხმაროს და ა.შ.
"ნებისმიერ შემთხვევაში, ვისაც არ უნდა მოეგო, ჩვენ მზად ვიყავით; მოვისმენდით პრეზიდენტის ხედვას, თუ რა თანხები იყო საჭირო, რა პროექტები უნდა განხორციელდეს იმისთვის, რომ ქართული ფეხბურთი გაძლიერდეს", - განაცხადა კახა კალაძემ.
მომზადებულია interpressnews.ge-ს მიხედვით
