ხუთშაბათს ევროპალიგის პირველი საკვალიფიკაციო ეტაპის საპასუხო მატჩები გაიმართება. ცნობილი გახდა, რომ უეფამ ამ თამაშებში ქართველი მსაჯი ლაშა სილაგავაც დაასაქმა. 39 წლის გამოცდილი არბიტრი მოლდოვაში გასამართ მატჩს განსჯის - კიშინიოვის "დაჩია" აზერბაიჯანულ "ქიაფაზს" უმასპინძლებს. სილაგავას მისივე თანამემამულეები დაეხმარებიან - ზაზა მენთეშაშვილი და ზაზა თოდრია, მეოთხე მსაჯის ფუნქციას კი გიორგი კიკაჩეიშვილი შეასრულებს.
ეს მატჩი მოლდოვის აღმოსავლეთში, კიშინიოვთან ახლოს, სოფელ სპეიაში გაიმართება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
