22 თებერვალს საქართველოს თასის 1/4 ფინალის I მატჩები გაიმართა. ბონისის "სიონისა" და საჩხერის "ჩიხურას" მატჩის დაწყების წინ, "სიონის" ფეხბურთელებმა საქართველოს დროშასთან ერთად, კიევში განვითარებული მოვლენების სოლიდარობის ნიშნით, უკრაინის დროშაც გაიტანეს.
იხილეთ ვიდეო
55-ე წუთზე მასპინძლები ზვიად ლობჯანიძემ დააწინაურა, თუმცა ლევან ხმალაძემ პენალტით 72-ე წუთზე აღადგინა წონასწორობა - 1:1. ეს შეხვედრა ვაკის სტადიონზე გაიმართა.
რუსთავის "მეტალურგმა" თბილისის "დინამოს" უმასპინძლა. მეორე ტაიმში "დინამომ" იძალა
სხვა მატჩებში, ქობულეთის "შუქურამ" მარტვილის "მერანს" უმასპინძლა და დაუზავდა - 0:0.
ხოლო ქუთაისის "ტორპედო" გორის "დილას" დაუხვდა. რევაზ ძოძუაშვილის დებიუტი "ტორპედოში" მარცხიანი გამოდგა - 1:2.
სტუმრები ალექსანდრე კვახაძემ 36-ე წუთზე დააწინაურა, 83-ე წუთზე ლევან კორღალიძემ ორამდე გაზარდა უპირატესობა, ხოლო ბოლო წუთზე მასპინძელმა ოთარ კვერნაძემ ერთი გაქვითა.
