მიუნხენის "ბაიერნის" ნახევარმცველმა არიენ რობენმა საერთო ჯგუფთან ერთად ვარჯიში განაახლა. ამის შესახებ Sport1 იუწყება.შეგახსენებთ, რომ ჰოლანდიელმა ფეხბურთელმა გუნდთან ერთად ჩინეთში შეკრებაზე გამგზავრება ვერ შეძლო, რისი მიზეზიც კუნთის ტრავმა იყო. "ბაიერნის" შეკრებაზე მის გარდა ასევე არ იმყოფებოდნენ ფრანკ რიბერი, დანტე, იან კირხოფი, ჰოლგერ ბადშტუბერი.
გასულ სეზონში რობენმა ბუნდესლიგის 21 მატჩში ითამაშა, გაიტანა 17 გოლი და გააკეთა 7 საგოლე გადაცემა. ჩემპიონთა ლიგაში მან 7 მატჩი ჩაატარა, გაიტანა 2 გოლი და მიითვალა ერთი საგოლე პასი.
