ლონდონის "ჩელსის" ნახევარმცველი ფრენკ ლემპარდი გატანილი გოლების მიხედვით კლუბის რეკორდსმენი გახდა.11 მაისს, ინგლისის პრემიერლიგაში გამართულ შეხვედრაში, სადაც "ლურჯები" "ასტონ ვილას" დაუპირისპირდნენ, 34 წლის ფეხბურთელმა დუბლი გაიფორმა. მეორე გოლი ამ გუნდის მაისურით მისთვის 203-ე იყო.
ამით ლემპარდმა გააუმჯობესა ბობი ტემბლინგის შედეგი, რომელმაც 1959-იდან 1970 წლამდე "ჩელსისთვის" 202 გოლი შეაგდო.
ბირმინგემში გამართულ შეხვედრაში მასპინძლებმა დაწინაურება მე-15 წუთზე, კრისტიან ბენტეკეს გოლით შეძლეს, თუმცა მეორე ტაიმში ლემპარდმა 61-ე და 88-ე წუთებზე შეძლო "ასტონ ვილას" კარის დალაშქვრა და "ჩელსის" გაამარჯვებინა - 2:1.
ასევე იხილეთ:
ფრენკ ლემპარდი: 200-ბურთიან ზღვრამდე მიღწევა განსაკუთრებული გრძნობაა
