"ლივერპულის" მთავარმა მწვრთნელმა ბრენდან როჯერსმა ლუის სუარესის შესაძლო წასვლის შესახებ კომენტარი გააკეთა."დადგება მომენტი, როცა ლუისი მიხვდება, რომ მის გაყიდვას არ ვაპირებთ.
ჩვენ მშვიდად ვართ. კლუბი სიტუაციას აკონტროლებს. არ გვინდა სუარესის წასვლა და ამის შესახებ უკვე ყველას მივახვედრეთ", - თქვა როჯერსმა.
შეგახსენებთ, რომ ივლისში ლონდონის "არსენალმა" "ლივერპულს" სუარესის ტრანსფერზე ორი წინადადებით მიმართა.
თავიდან ლონდონელები ფეხბურთელში 30 მილიონ ფუნტს იხდიდნენ, ხოლო მეორედ 40 მილიონს, მაგრამ მერსისაიდელებს არ სურთ გუნდის ერთ-ერთი ლიდერის გაშვება.
მომზადებულია BBC-ის მიხედვით
