"არსენალს" სულ ცოტა დააკლდა, რომ "ჩელსის" 2005/06 წლების შედეგი გაემეორებინა. 8 წლის წინ ჟოზე მოურინიოს გუნდი 15 ტურის შემდეგ უახლოეს მდევარს 7 ქულით უსწრებდა. პორტუგალიელმა მაშინ "ჩელსის" საბოლოოდ ჩემპიონობაც მოაპოვებინა. მიუხედავად ფეხის დაცდენისა, არსენ ვენგერი კმაყოფილია შედეგით და აცხადებს, რომ "არსენალი" მალევე გადაერთვება მომდევნო მატჩებისთვის სამზადისზე.
"მეთოფეებს" დეკემბერში 5 თამაში დარჩათ ჩასატარებელი და აქედან 4 სტუმრად.
"შესანიშნავი თამაში ვიხილეთ. ფრე, ალბათ, ლოგიკური შედეგი იყო, თუმცა გული მაინც მწყდება, რომ უპირატესობა ბოლომდე ვერ შევინარჩუნეთ. "ევერტონი" ღირსეული მეტოქე იყო," - განაცხადა არსენ
ტურის ფაქტები
"მანჩესტერ იუნაიტედმა" "ნიუკასლთან" "ოლდ ტრეფორდზე" 29-თამაშიანი წაუგებელი სერია (21 მოგება) დაასრულა.
პატრის ევრას ზედიზედ მესამე შეხვედრაში შეეძლო, "ნიუკასლისთვის" გაეტანა, რომ არა ვურნონ ანიტას მიერ ხაზიდან ხელით გამოტანილი ბურთი.
"მანჩესტერ იუნაიტედმა" 2002 წლის მაისის შემდეგ პირველად წააგო ზედიზედ ორი საშინაო შეხვედრა.
***
"კრისტალ პალასი" და "კარდიფი" ელიტურ ლიგაში ერთმანეთს ისტორიაში პირველად შეხვდნენ.
"კრისტალ პალასმა" პრემიერლიგაში მე-4 თამაში მოიგო. ტონი პულისი პირველი მწვრთნელი გახდა, ვინც გუნდს მეორედ გაამარჯვებინა. იქამდე თითოჯერ ეს იან ჰოლოვეიმ და კიტ მილენმა გააკეთეს.
სამხრეთლონდონელებმა ბოლო 5 შეხვედრაში 10 ქულა აიღეს, 5 ქულით მეტი, ვიდრე ამდენივე თამაშში "მანჩესტერ იუნაიტედმა".
"კარდიფმა" სტუმრად ჩატარებულ ზედიზედ მეოთხე შეხვედრაში ვერ შეძლო გოლის გატანა.
***
ლივერპულელ ლუის სუარესს პრემიერლიგის 10 თამაშში უფრო მეტი გოლი აქვს გატანილი (14), ვიდრე "ვესტ ჰემს" 15 ტურში. აქედან 11-ჯერ მან თავი "ენფილდზე" გამოიჩინა.
ურუგვაელ თავდამსხმელს "ლივერპულის" ბოლო 9 გოლიდან 8-ში უშუალო მონაწილეობა აქვს მიღებული.
"ვესტ ჰემმა" "ენფილდზე" უკანასკნელად 1963 წელს მოიგო (41 თამაში, 11 ფრე, 30 წაგება).
***
"მანჩესტერ სიტი" იანვრის შემდეგ ვერ ახერხებს მიჯრით ორი გასვლითი შეხვედრის მოგებას.
"ქალაქელებს" 41 გოლი აქვთ გატანილი, რაც 13-ით უკეთესია შარშანდელი ანალოგიური პერიოდის მაჩვენებელზე.
სერხიო აგუერომ ჩემპიონატის ბოლო 10 თამაშში 11 გოლი გაიტანა.
"საუთჰემპტონმა" "სენტ მერიზე" ზედიზედ მესამე საშინაო შეხვედრაში ვერ მოახერხა კარის მშრალად შენახვა.
მაურისიო პოჩეტინოს ხელმძღვანელობით პირველად მოხდა, რომ "წმინდანებმა" ზედიზედ ოთხი შეხვედრა ვერ მოიგეს.
***
"სტოკმა" "ჩელსისთან" 12-თამაშიანი (2 ფრე, 10 წაგება) მოუგებელი სერია შეწყვიტა.
"სტოკის" დამრიგებელმა მარკ ჰიუზმა ყოფილ კლუბს მე-16 შეხვედრაში მესამედ მოუგო (3 ფრე, 10 წაგება).
"ბრიტანიაზე" მეტოქეთა შარშანდელ მატჩში ჯონათან უოლტერსმა 2 გოლი გაიტანა საკუთარ კარში და პენალტი გააფუჭა. წელს მან ერთი საგოლე გადაცემა შეასრულა.
***
"ვესტ ბრომვიჩს" პრემიერლიგის ბოლო 9 ტურში მხოლოდ 1 გამარჯვება აქვს (3 ფრე, 5 წაგება).
სტივ კლარკის გუნდს ზედიზედ 5 შეხვედრაა, 2 გოლზე ნაკლები არ გაუშვია.
"ნორვიჩი" ერთადერთ გუნდად რჩება პრემიერლიგაში, რომლის შემადგენლობაშიც შეცვლაზე შესულ ფეხბურთელს გოლი ჯერ არ გაუტანია.
***
"სანდერლენდს" "ტოტენჰემთან" 7-მატჩიანი მოუგებელი სერია აქვს (2 ფრე, 5 წაგება).
15 ტურის შემდეგ "შავ კატებს" კარში იმაზე ნაკლები ზუსტი დარტყმა აქვთ (36), ვიდრე "მანჩესტერ სიტის" გოლი აქვს გატანილი.
"ტოტენჰემის" შემადგენლობაში თავდამსხმელმა ჯერმეინ დეფომ "სანდერლენდთან" მე-11 თამაში ჩაატარა და ჯერ გოლი არ გაუტანია.
"ტოტენჰემმა" პრემიერლიგაში სტუმრად ჩატარებული უკანასკნელი 9 მატჩიდან 6 მოიგო.
***
"ფულჰემმა" "ასტონ ვილას" ბოლო 9 მატჩიდან მხოლოდ მეორედ მოუგო (4 ფრე, 3 მარცხი).
"კოტეჯელებმა" საშინაო არენაზე ბოლო 12 მატჩიდან მხოლოდ მეორედ იმარჯვეს (1 ფრე, 9 წაგება).
"ქრევეინ კოტეჯზე" მარცხით "ასტონ ვილამ" 5-თამაშიანი წაუგებელი სერია შეწყვიტა.
"ასტონ ვილას" კარის დარაჯმა ბრედ გუზანმა 15 ტურში საკუთარი გუნდი 52-ჯერ გადაარჩინა.
***
"არსენალს" "ევერტონთან" პრემიერლიგაში 13-თამაშიანი წაუგებელი სერია აქვს (8 მოგება, 5 ფრე). მასპინძელი საშინაო არენაზე "ევერტონთან" 18-მატჩია არ დამარცხებულა - 14 მოგება, 4 ფრე.
"არსენალს" 15-დან 14 შეხვედრაში მინიმუმ 1 გოლი აქვს გატანილი, 14-დან 13 მატჩში კი ანგარიში სწორედ "მეთოფეებმა" გახსნეს. ორივე ეს შედეგი საუკეთესოა პრემიერლიგაში.
"არსენალს", ყველა ტურნირის გათვალისწინებით, ბოლო 8 შეხვედრაში მხოლოდ 2 გოლი აქვს გაშვებული.
"ევერტონს" ჩემპიონატში მხოლოდ 1 მარცხი აქვს, რაც საუკეთესო შედეგია ჩემპიონატში. პრემიერლიგაში ყველაზე გრძელი წაუგებელი სერიაც (8) სწორედ მერსისაიდელებს აქვთ.
***
2003/04 წლების სეზონში "სუონსი" და "ჰალი" ინგლისის რანგით მეოთხე ლიგაში ერთად თამაშობდნენ.
"ჰალს" პრემიერლიგაში სტუმრად ჩატარებულ ბოლო 32 შეხვედრაში მხოლოდ 1 მოგება აქვს (8 ფრე, 23 წაგება).
"სუონსი" საშუალოდ ბურთს 58.6%-ით ფლობს, რაც პრემიერლიგის საუკეთესო შედეგია.
XV ტურის სიმბოლური ნაკრები
ჯონ რადი (ნორვიჩი) - მატიო დებუში (ნიუკასლი), ჩიკო (სუონსი), მამადუ სახო (ლივერპული), გლენ ჯონსონი (ლივერპული) - მესუთ იოზილი (არსენალი), სტივ სიდუელი (ფულჰემი), ლეროი ფერი (ნორვიჩი), აშკან დეჟაგა (ფულჰემი) - დიმიტარ ბერბატოვი (ფულჰემი), ლუის სუარესი (ლივერპული)
სტატისტიკა XV ტურის შემდეგ
საუკეთესო ბომბარდირები
14 - ლუის სუარესი (ლივერპული)
12 - სერხიო აგუერო (მანჩესტერ სიტი)
9 - დენიელ სტარიჯი (ლივერპული)
8 - ლოიკ რემი (ნიუკასლი), რომელუ ლუკაკუ (ევერტონი), აარონ რემსი (არსენალი), უეინ რუნი (მანჩესტერ იუნაიტედი)
საუკეთესო მეპასეები
6 - მესუთ იოზილი (არსენალი), სტივენ ჯერარდი (ლივერპული)
5 - აარონ რემსი (არსენალი)
4 - ოლივიე ჟირუ (არსენალი), პაბლო საბალეტა (მანჩესტერ სიტი), სერხიო აგუერო (მანჩესტერ სიტი), უეინ რუნი (მანჩესტერ იუნაიტედი), კევინ მირალიაში (ევერტონი), რიკი ლამბერტი (საუთჰემპტონი)
გოლი+პასი
16 - სერხიო აგუერო (მანჩესტერ სიტი) - 12+4, ლუის სუარესი (ლივერპული) - 14+2
13 - აარონ რემსი (არსენალი) - 8+5
12 - უეინ რუნი (მანჩესტერ იუნაიტედი) - 8+4
ყველაზე უდისციპლინო ფეხბურთელები
6 - კევინ ნოლანი (ვესტ ჰემი)
5 - ფერნანდო ტორესი (ჩელსი), მარკ ნოუბლი (ვესტ ჰემი), მაპუ იანგა-მბივა (ნიუკასლი), მატიო ფლამინი (არსენალი), ლუკას ლეივა (ლივერპული), მიკელ არტეტა (არსენალი), კერტის დევისი (ჰალი), იუსუფ მულუმბუ (ვესტ ბრომვიჩი), იონას ოლსონი (ვესტ ბრომვიჩი), უეინ რუნი (მანჩესტერ იუნაიტედი), მატიო დებუში (ნიუკასლი), ჯონათან უოლტერსი (სტოკი), ჩიკო ფლორესი (სუონსი).
წითელი ბარათი - 3 ქულა, ყვითელი - 1
ყოველდღიური სპორტული გაზეთი "ლელო"
ასევე იხილეთ:
ინგლისი. პრემიერლიგა. XV ტური: სხვა გუნდი და სხვა შედეგი [VIDEO]
