ერთწლიანი უქმობა, ფეხბურთში დაბრუნება, 8 დღეში კარიერის დასრულება და გადაწყვეტილების იმავე დღეს შეცვლა - ეს ანტონიო კასანოა.ვეტერან იტალიელ თავდამსხმელს ფეხბურთი 2016 წლის მაისის შემდეგ არ უთამაშია. მიმდინარე წლის 10 ივლისს, მან კონტრაქტი სერია A-ში ახლახანს აღზევებულ "ვერონასთან" გააფორმა.
"ლურჯ ყვითლებთან" ხელშეკრულების გაფორმებიდან 8 დღეში, ანუ გუშინ, 35 წლის იტალიელმა გადაწყვიტა, რომ სახლი და ოჯახი მოენატრა და ბუცები ლურსმანზე ჩამოკიდა.
თავისი გადაწყვეტილების გასაჟღერებლად ანტონიომ პრესკონფერენცია მოიწვია, მაგრამ ჟურნალისტებთან საუბრის დროს განაცხადა, რომ ფეხბურთიდან წასვლა გადაიფიქრა.
"ვერონაში ვრჩები. ეს სისუსტის წუთიერი
კლუბს არ დავტოვებ. ეს ფეხბურთია და გავუგებ იმ გულშემატკივრებს, რომლებიც ჩემზე გაბრაზებულები იქნებიან. მინდა, მათ პატიება ვთხოვო. პრესკონფერენციის მოწვევა ჩემი შეცდომა იყო." - განაცხადა კასანომ.
არაა გამორიცხული, უახლოეს დღეებში, ანტონიო კასანომ გადაწყვეტილება კიდევ არაერთხელ შეცვალოს.
