მარიო გომესს ფლორენციაში ზღაპრული დახვედრა მოუწყვეს: ჯერ კიდევ აეროპორტში ფეხბურთელს 10 000 გულშემატკივარი დახვდა, კიდევ უფრო მეტი ხალხი კი "სტადიო არტემიო ფრანკიზე" გამართულ პრეზენტაციას დაესწრო. ეს იყო იშვიათი სანახაობა, რომელმაც 28 წლის გერმანელი ემოციებით აავსო:"ვერაფრით წარმოვიდგენდი, თუ ჩემ გამო ამდენი ხალხი შეიკრიბებოდა. ეს დღე არასდროს დამავიწყდება, რადგან ემოციებით ვარ აღსავსე. ეიფორიული განწყობა მაქვს და ვრწმუნდები, რომ ფლორენციაში გადმოსვლა 100%-ით გამართლებული იყო.
ამდენი ქომაგის ხილვა დამატებითი პასუხისმგებლობაა, რადგან ვგრძნობ, რომ მათი იმედების გაცრუების უფლება არ მაქვს. სრულიად ახალი ეტაპი იწყება
მარიო გომესმა ფლორენციულ კლუბთან 4-წლიანი ხელშეკრულება გააფორმა და როგორც აცხადებს, დიდი სურვილი აქვს, კარიერა "ვიოლაში" დაასრულოს.
პრეზენტაციაზე თავისი სიტყვა კლუბის პრეზიდენტმა ანდრეა დელა ვალემაც თქვა:
"დღეს ნათლად ჩანს, თუ როგორ უყვართ ფლორენციაში ფეხბურთი და თუ რამხელა მნიშვნელობა აქვს ამ ქალაქისთვის "ფიორენტინას". ჩვენ ყველა ერთად ვიბრძოლებთ იმისთვის, რომ "ვიოლა" ევროპული ფეხბურთის გრანდი გახდეს. მარიო გომესის ტრანსფერი პრიორიტეტული იყო და მოხარული ვარ, რომ ის დღეს ჩვენთანაა. მარიოსთან ერთად, "ფიორენტინა" გაცილებით უფრო ძლიერი იქნება, ვიდრე წინა წლებში".
ყოველდღიური სპორტული გაზეთი "ლელო"
ასევე იხილეთ:
მარიო გომესი: მინდა "ფიორენტინასთან" ერთად ტიტული მოვიგო
