იტალიის ჩემპიონატის მე-9 ტურში მილანის "ინტერმა" შინ 4:2 მოუგო "ვერონას". მე-9 წუთზე ჯონათანს გოლის გატანა ვანგელის მორასმა არ დააცადა და საკუთარი კარი დალაშქრა.
მე-12 წუთზე უკვე 2:0 იყო, თავი როდრიგო პალასიომ გამოიჩინა.
პირველი ტაიმი მხიარული გამოდგა - 32-ე წუთზე ლუკა ტონის პასით რაფაელ მარტინიომ მილანელთა კარი დალაშქრა, ხოლო 38-ე წუთზე პალასიომ ესტებან კამბიასოს გაატანინა.
56-ე წუთზე პორტუგალიელმა მცველმა როლანდომ ანგარიში გამანადგურებელი გახადა, თუმცა 71-ე წუთზე ლუკა ტონის პასით რომულომ ანგარიში 4:2 გახა
მეტი გოლი აღარ გასულა, თუმცა ბოლოს ვანგელის მორასი და ისჰაკ ბელფოდილი (ინტერი) გააძევეს.
"ინტერი" 18 ქულით მე-4 ადგილზეა, ხოლო "ვერონას" 16 ქულა აქვს.
ვალტერ მაცარი (ინტერი): "90 წუთის განმავლობაში კარგად ვითამაშეთ. მთავარი ისაა, რომ გუნდი იმედიანადაა, "ინტერი" ბრწყინვალე იყო. როცა ვაგებთ, ვიცი, რომ ჩემი ბრალია - ამას უკვე 13 წელია მიჩვეული ვარ, იგებს კი გუნდი. მოხარული ვარ, რომ თავი როლანდომ გამოიჩინა. ვფიქრობ, პალასიო ჩემი გუნდის ყველაზე მნიშვნელოვანი ფეხბურთელია".
!["გაათავისუფლეს თუ არა მაცარი?" - ოსიმენმა ფანს უპასუხა [VIDEO]](/pictures/image7/6febde4f8493f7136094e6f361ae28b4.jpg "\"გაათავისუფლეს თუ არა მაცარი?\" - ოსიმენმა ფანს უპასუხა [VIDEO]")
