FIFA-ს კორუფციული სკანდალის ერთ-ერთი მთავარი მონაწილე ჩაკ ბლეიზერი 72 წლის ასაკში გარდაიცვალა.ბლეიზერი FIFA-ს აღმასრულებელი კომიტეტის წევრი იყო. მან თანამდებობა 2013 წელს, მას შემდეგ დატოვა, რაც CONCACAF-ში მისი მუშაობის დროს არსებული ფინანსური დარღვევები გამოავლინეს.
FIFA-ს სკანდალის დროს, ბლეიზერმა გამოძიებასთან თანამშრომლობა გადაწყვიტა. მან აღიარა, რომ მსოფლიოს 1998 და 2010 წლების ჩემპიონატების მასპინძლის შერჩევის დროს, FIFA-ს აღმასრულებელი კომიტეტის წევრები ქრთამს იღებდნენ.
2015 წელს FIFA-მ ბლეიზერს საფეხბურთო საქმიანობა სამუდამოდ აუკრძალა.
