13:00 "ინტერი" თანახმაა ჯერდან შაჩირის "ვოლფსბურგში" იჯარით გაშვებაზე. გერმანულ მხარეს ეს გარიგება 2 მილიონი ევრო დაუჯდება. თავად "მგლებს" ფეხბურთელის 20 მილიონ ევროდ გამოსყიდვა სურთ. ასევე, არსებობს გაცვლის ვარიანტი, - წერს Gazzetta.13:36 "პარი სენ-ჟერმენი" მზად არის, გაყიდოს სალვატორე სირიგუ, ოღონდ იმ შემთხვევაში, თუ გამოუვა "აინტრახტიდან" კევინ ტრაპის ტრანსფერი. პარიზული გუნდის ლიდერები თანახმანი ყოფილან ასეთ შეცვლაზე.
14:04 "ბარსელონას" პრეზიდენტობის კანდიდატმა ტონი ფრეიკსიმ წინასაარჩევნო კამპანიაში გამოსაყენებელი კოზირი იპოვა. ის უკვე შეხვდა მარკო ვერატის აგენტს.
14:23 ჯოვანი დოს სანტოსი MLS-ში გადადის. ის გახდება
14:29 სიახლე მატეო დარმიანთან დაკავშირებით. "მანჩესტერ იუნაიტედი" 20 მილიონს იხდის და გარიგებამდე ერთი ნაბიჯიღაა დარჩენილი.
14:51 "ბილდი" წერს, რომ ფრანკფურტის "აინტრახტი" დაინტერესებულია "შალკეს" ნახევარმცველით, სიდნი სემით.
14:54 თავად "შალკემ" უარყო კევინ კურანის დაბრუნების ვარიანტი. სამაგიეროდ, განიხილავს "ბაიერნიდან" კლაუდიო პისაროს აყვანის შესაძლებლობას.
15:07 ESPN წერს, რომ "იუვენტუსი" არ აპირებს ოგბონას შენარჩუნებას, ეს ფეხბურთელი კი ძალიან უნდა "ვესტ ჰემს".
15:21 ოფიციალურად: მიკელ არტეტამ გააგრძელა კონტრაქტი "არსენალთან". ხელშეკრულება ერთწლიანია.
15:34 "ტოტენჰემს" ძალიან უნდა ჯეიმს მაკარტის აყვანა. ლონდონელები "ევერტონს" არა მხოლოდ 20 მილიონ ევროს, არამედ აარონ ლენონსაც სთავაზობენ.
16:17 ნაბილ ბენტალებმა ახალი ხუთწლიანი კონტრაქტი გააფორმა "ტოტენჰემთან". ფეხბურთელით "არსენალი" და პსჟ იყვნენ დაინტერესებულნი.
16:20 უცნაური განცხადება გააკეთა "ბარსელონას" პრეზიდენტმა ხოსეპ მარია ბარტომეუმ - მის კლუბს პოლ პოგბა არ სჭირდება: "ჩვენ არ ვაპირებთ მასთან შემდეგ სეზონში მუშაობას. ის არ არის უახლოესი ორი წლის განმავლობაში ჩვენი სპორტული გეგმების ნაწილი".
17:33 "ბასტია" დაინტერესებულია "არსენალის" ნახევარმცველით, მატიო ფლამინით, მაგრამ გაუჭირდება ხელფასის გადახდა - 1.5 მილიონი ევრო.
18:04 "რეალი" დაცვის შენარჩუნებაზე ზრუნავს. მარსელოსა და დანიელ კარვახალს, შესაბამისად, 2021 და 2020 წლის ზაფხულამდე გაუფორმეს კონტრაქტები.
18:07 "ლივერპულმა" იჯარით გაუშვა "დეპორტივოში" ლუის ალბერტო. 22 წლის ფეხბურთელი ინგლისურ კლუბში 7 მილიონად გადავიდა და "ენფილდზე" ერთი მატჩიც არ ჩაუტარებია.
18:16 ახალი ინფორმაცია კევინ ტრაპზე. მეკარე გადავიდა "აინტრახტიდან" პსჟ-ში. 9.5 მილიონი ევრო გადაიხადეს პარიზელებმა 24 წლის გერმანელში, რომელსაც ოთხწლიანი კონტრაქტი გაუფორმეს და ხელფასიც სოლიდური დაუნიშნეს - 5 მილიონი წელიწადში.
18:38 "ბარსელონა" სასაცილო მდგომარეობაში აღმოჩნდა. კატალონიელებმა გაიფორმეს არდა თურანი, მაგრამ მიხვდნენ, რომ მისი მინდორზე გაყვანა არ შეიძლება, რადგან აკრძალვა აქვთ. ამიტომაც გადაწყვიტეს, "გალათასარაიში" გაუშვან, რათა თურქმა ფორმა არ დაკარგოს.
18:57 ჟერვინიომ თავის მოთხოვნებით "ალ-ჯაზირა" შეაშინა, ახლა კი გაჩნდა ინტერესი "გალათასარაისგან".
19:03 Sky Sport Italia დარწმუნებით წერს, რომ ოგბონა 12 მილიონ ევროდ გადავიდა "ვესტ ჰემში". ოფიციალური დადასტურება ჯერ არ არსებობს.
19:19 "ნიუკასლი" ასრულებს ზაფხულში პირველ გარიგებას. 19 წლის ივან ტონიმ "ნორთჰემპტონიდან" გასულ სეზონში 13 გოლი გაიტანა. მისი ფასი 300 ათასს შეადგენს.
19:37 "ატლეტიკოს" სურს ჟოზე მოურინიოსაგან მოძულებული ფილიპე ლუისის დაბრუნება. პრობლემა იმაშია, რომ "ჩელსი" ფეხბურთელში 16 მილიონ ევროს ითხოვს, ესპანელებს კი იჯარის იმედი აქვთ.
20:19 "იუვენტუსმა" კარლოს ტევესს შემცვლელი მოუძებნა. ეს იქნება სიმონე ძაძა "სასუოლოდან".
20:57 "მანჩესტერ იუნაიტედი" დროს უქმად არ ხარჯავს. გუშინ "ბილდმა" გაავრცელა ინფორმაცია, რომ თომას მიულერი და ხოსეპ გვარდიოლა "ბაიერნის" ვარჯიშზე წაეჩხუბნენ ერთმანეთს. ინგლისელებიც გააქტიურდნენ და თომასთან ერთად არიენ რობენის შეძენაც მოინდომეს. ისინი "ბაიერნს" დიდ თანხასა და ანხელ დი მარიას სთავაზობენ.
ყოველდღიური სპორტული გაზეთი "ლელო"
