![](https://sportall.ge/pictures/image5/9578541c68c5bcab6154ff4a310c53d4.jpg)
13:11 დღის პირველი მნიშვნელოვანი ამბავი - სტეფან ელ-შაარავის სავარაუდო წასვლა "მილანიდან". Gazetta Dello Sport-ის ინფორმაციით, "მონაკოს" ძალიან უნდა "ფარაონის" იჯარით აყვანა და არ აშინებს ფორვარდში სამი მილიონის გადახდა.
13:45 ედინ ჯეკო, როგორც ჩანს, მაინც წავიდა "რომაში". "მგლების" სპორტული დირექტორი ვალტერ საბატინი მანჩესტერში გაფრინდა, რათა დაასრულოს მოლაპარაკებები ბოსნიელის ტრანსფერთან დაკავშირებით. Sky Sport Italia-ს ინფორმაციით, "რომა" მზად არის, 10 მილიონი ევრო გადაიხადოს ბოსნიელში.
14:21 "ნაპოლის" ფორვარდი ედუარდო ვარგასი, შესაძლოა, "ალ აინში" გადავიდეს სათამაშოდ. 25
14:32 ბიაბიანიმ კონტრაქტი გააფორმა "ინტერთან". საინტერესო ის არის, რომ "პარმაში" მას არითმია დაუდგინეს და კონტრაქტი ორმხრივი შეთანხმებით გაწყვიტეს.
14:45 ჟურნალისტი ჯანლუკა დი მარციო ამტკიცებს, რომ კინგსლი კომანით "ბაიერნია" დაინტერესებული. მიუნხენელებმა იტალიელებს 15 მილიონი შესთავაზეს.
14:58 "შალკე" და "ლევერკუზენი" შეუერთდნენ იმ კლუბებს, რომლებიც დაინტერესებულნი არიან ალესიო ჩერჩით. გერმანულ გუნდებს სურთ შეწყვიტონ იტალიელის წელიწადნახევრიანი იჯარა "მილანში" და შეიძინონ ფორვარდზე უფლებები. შეგახსენებთ, რომ ამ მომენტისთვის ჩერჩი მადრიდის "ატლეტიკოს" ეკუთვნის.
15:21 ვალტერ გარგანო "ნაპოლიდან" მექსიკურ კლუბ "მონტერეიში" გადავიდა.
15:24 მადრიდის "ატლეტიკომ" ახალი შენაძენი წარადგინა - იანიკ ფერეირა-კარასკო.
16:52 მორგან შნაიდერლინი "მანჩესტერ იუნაიტედის" ფეხბურთელია. მასთან ოთხწლიანი კონტრაქტი გაფორმდა. "როცა "იუნაიტედის" მხრიდან ინტერესის შესახებ შევიტყვე, იოლი გადასაწყვეტი იყო - სად უნდა გამეგრძელებინა კარიერა", - კმაყოფილებას ვერ მალავდა ფრანგი.
17:04 BBC წერს, რომ ხვალ რაჰიმ სტერლინგი სამედიცინო შემოწმებას გაივლის "მანჩესტერ სიტიში".
17:11 პედროს კომენტარი "ჩელსიში" სავარაუდო გადასვლის შესახებ: "არ არის მართალი - მოურინიოსთან არ მილაპარაკია. ეს უპატივცემულობა იქნებოდა "ბარსელონას" მიმართ. მაქვს წინადადებები სხვა კლუბებიდან, მაგრამ სეზონისთვის მზადებას "ბარსასთან" ერთად დავიწყებ".
17:29 ოფიციალურად: ასმირ ბეგოვიჩი "ჩელსიში" გადავიდა. ლონდონელებს ეს სიამოვნება რვა მილიონი ევრო და მარკო ვან გინკელის იჯარა დაუჯდათ.
17:56 Metro წერს, რომ "არსენალი" დაინტერესებულია ხოსე კალიეხონით. "მეთოფეები" მზად არიან, 25 მილიონი ევრო გადაუხადონ "ნაპოლის".
18:00 არსენალელი იაია სანოგო "აიაქსს" იჯარის წესით შეუერთდა.
18:24 "მანჩესტერ იუნაიტედს" არ ჰყოფნის დეპაი, დარმიანი, შვაინშტაიგერი და შნაიდერლინი. ისინი ედინსონ კავანისაც ეპოტინებიან.
18:43 "იუვენტუსმა" ოფიციალურად გამოაცხადა, რომ კარლოს ტევესი "ბოკა ხუნიორსში" გადავიდა.
18:45 სანაცვლოდ, "იუვენტუსმა" ორწლიანი იჯარით აიყვანა 18 წლის ვუნდერკინდი გიდო ვადალა. იჯარის თანხა 3.5 მილიონი ევროა, გამოსყიდვის უფლება კი 9.6 მილიონი ევრო ღირს.
18:54 კიდევ ერთი ოფიციალური ინფორმაცია "ჩელსისგან": დანილო პანტიჩი ლონდონურ კლუბს ბელგრადის "პარტიზანიდან" შეუერთდა და... მაშინვე იჯარით "ვიტესში" გაემგზავრა.
19:07 მუნირ ობადი "მონაკოდან" "ლილში" გადავიდა. 32 წლის ნახევარმცველმა ახალ კლუბთან სამწლიანი კონტრაქტი გააფორმა.
19:11 ჟოაო პერეირა, რომელიც შარშან "ჰანოვერში" თამაშობდა, "სპორტინგში" გადავიდა და იქ ორი წელი დარჩება.
19:15 რუსული პრესა ირწმუნება, რომ ფაბიო კაპელომ გაწყვიტა კონტრაქტი რუსეთის ნაკრებთან.
19:34 ლუის კავანდამ "ლაციო" "ტრაბზონზე" გაცვალა. გარიგების თანხამ 1.75 მილიონი ევრო შეადგინა.
19:45 "ელჩემ" ოფიციალურად დაადასტურა, რომ გუნდს რუბენ ბარახა გაწვრთნის.
19:55 კლაუდიო რანიერი "ლესტერის" მთავარი მწვრთნელი გახდა.
20:16 იორდი კლასი ახლოს არის "საუთჰემპტონში" გადასვლასთან. უფრო ადრე დაიწერა, რომ ნახევარმცველი არ გაჰყვა "ფეიენოორდს" შეკრებაზე.
20:22 რაჯა ნაინგოლანმა "რომასთან" 2020 წლამდე გააგრძელა კონტრაქტი. ასევე გაახანგრძლივა დედაქალაქურ კლუბთან ხელშეკრულება სეიდუ კეიტამ.
20:53 ბოსნიის ნაკრების ყოფილმა მთავარმა მწვრთნელმა საფეტ სუშიჩმა "ევიანი" ჩაიბარა, - წერია ფრანგული კლუბის ოფიციალურ ვებგვერდზე.
ყოველდღიური სპორტული გაზეთი "ლელო"