რუსეთის საფეხბურთო კავშირის პრეზიდენტის, ვიტალი მუტკოს თქმით, ქვეყნის პრეზიდენტი ვლადიმირ პუტინი ჩემპიონატში ლეგიონერებზე ლიმიტის გამკაცრებას ითხოვს. თურმე ამის შესახებ მუტკოს პუტინმა პირად საუბარში უთხრა."1-ელ სექტემბერს პრეზიდენტს ვესაუბრე. მან მითხრა, რომ ფეხბურთში მცირე შეზღუდვები გვაქვს და საჭიროა მათი კიდევ უფრო გამკაცრება", - ამბობს მუტკო.
წინასწარი ვარიანტით, რუსეთის პრემიერლიგის 2015/16 წლების სეზონში ლეგიონერებზე ლიმიტი "10+15" სქემით უნდა ყოფილიყო, რომლის თანახმად, გუნდს განაცხადში, მაქსიმუმ, 10 ლეგიონერის შეყვანის უფლება ექნებოდა, ხოლო მოედანზე მათი რაოდენობა შეუზღუდავი იქნებო
შეგახსენებთ, რომ ამ დროისთვის რუსეთის პრემიერლიგაში 5 ქართველი ფეხბურთელია - ნუკრი რევიშვილი, მამუკა კობახიძე (მორდოვია), საბა კვირკველია (რუბინი), ჯანო ანანიძე (სპარტაკი), თედორე გრიგალაშვილი (ტერეკი). ბოლო ინფორმაციით, რუსეთში ქართულ ლეგიონს დღე-დღეზე შესაძლოა გიორგი ლორია შეემატოს.
