ევროპის 2017 წლის ჩემპიონატზე საქართველოს ნაკრების კიდევ ერთი მეტოქის შემადგენლობა გაცხადდა. ისრაელის ნაკრების თავკაცმა ერეზ ედელშტეინმა 21-კაციანი გაფართოებული შემადგენლობა დაასახელა. საბოლოო თორმეტეულს აგვისტოში შეარჩევს. ნაკრებში არიან ევრობასკეტი-2015-ის მერვედფინალისტები: ომრი კასპი, შაუნ დაუსონი, ლიორ ელიაჰუ, რავივ ლიმონადი, გალ მეკელი, იოგევ ოჰაიონი და ბარ ტიმორი.
სწორედ ამ შემადგენლობამ დაამარცხა ჯგუფურ ეტაპზე რუსეთის ნაკრები და მის ნაცვლად მერვედფინალში გავიდა, სადაც იტალიასთან დამარცხდა. საფრანგეთის ევროპირველობაზე მინესოტელი კასპი საშუალოდ 16.4 ქულას აგროვებდა, მეკელი - 15.8 ქულას, ელიაჰუ - 13.6-ს.
2015 წელს არ უთამაშიათ, თუმცა ევროპის
ისრაელის ნაკრებში ნატურალიზებული კალათბურთელიც ითამაშებს - ფორვარდი რიჩარდ ჰოუელი, რომელიც ამერიკიდან, კერძოდ, ჯორჯიის შტატიდანაა. ამ სეზონში იერუსალიმის "ჰაპოელის" ღირსებას იცავს.
ისრაელის ნაკრების მთავარი მწვრთნელი ერეზ ედელშტეინი:
- ლიტვის ნაკრები მეტოქედ ჩვენ ავირჩიეთ. კარგი შემადგენლობა ჰყავს. მეორე და მეხუთე კალათებიდან ძალიან ძლიერი გუნდები შეგვხვდა - იტალია და გერმანია. საქართველოს ნაკრები კი ის გუნდია, მასთან წინასწარ ვერაფერს დაგეგმავ. მოკლედ, რთული ჯგუფი გვერგო. თუმცა, როდესაც საქმე ევროპის ჩემპიონატს ეხება, იოლ გასეირნებას არავინ უნდა ელოდოს. ჩვენთვის მთავარია, ყველა სტუმარს კარგად ვუმასპინძლოთ და მოედანზეც ღირსეულად დავხვდეთ.
ედელშტეინის ნაკრები ევრობასკეტისთვის მზადებას 18 ივლისს დაიწყებს. ევროპის ჩემპიონატის დაწყებამდე 10 საკონტროლო მატჩს გამართავს: ბუქარესტში რუმინელებს ორჯერ ეთამაშება, რუსეთსა და ფინეთს სანკტ-პეტერბურგში შეეჭიდება, 13 აგვისტოს კი დიდ ბრიტანეთს უმასპინძლებს. 18-20 აგვისტოს სამგუნდიან ტურნირს ითამაშებს სლოვენიისა და თურქეთის ნაკრებებთან ერთად. გენერალური რეპეტიცია კი ვარშავის საერთაშორისო ტურნირი იქნება, სადაც პოლონელების გარდა, დიდ ბრიტანეთსა და უნგრეთს დაუპირისპირდება.
საქართველოს ნაკრებთან კი ისრაელი ევროპის ჩემპიონატზე 5 სექტემბერს ითამაშებს. დღესვე შეიძლება ითქვას, რომ ეს მატჩი ძალიან ბევრს გადაწყვეტს. ეს იქნება ჯგუფური ეტაპის ბოლოსწინა ტური და გამარჯვებული, დიდი ალბათობით, მერვედფინალის საგზურს გაიფორმებს. ბოლო ტურში, 6 სექტემბერს საქართველო იტალიას ეთამაშება, ისრაელი - უკრაინას.
ისრაელის ნაკრები
მოთამაშე სმ პოზიცია დაბ.წ. გუნდი
ომრი კასპი 206 ფორვარდი 1988 მინესოტა (NBA)
რიჩარდ ჰოუელი 203 ფორვარდი 1990 ჰაპოელი (იერუსალიმი)
ჯეიკ კოენი 208 ფორვარდი 1990 მაქაბი (აშდოდი)
გალ მეკელი 190 უკანახაზელი 1988 მაქაბი (თელ-ავივი)
რაფი მენკო 198 უკანახაზელი 1994 ჰაპოელი (ელიათი)
იდან ზალმანსონი 206 ცენტრი 1995 მაქაბი (რიშონი)
ლიორ ელიაჰუ 205 ფორვარდი 1985 ჰაპოელი (იერუსალიმი)
ბარ ტიმორი 190 უკანახაზელი 1992 ჰაპოელი (იერუსალიმი)
რავივ ლიმონადი 191 უკანახაზელი 1984 ჰაპოელი (თელ-ავივი)
იოთამ ჰალპერინი 194 უკანახაზელი 1984 ჰაპოელი (იერუსალიმი)
შაუნ დაუსონი 198 ფორვარდი 1993 მაქაბი (რიშონი)
გაი პნინი 200 ფორვარდი 1983 მაქაბი (თელ-ავივი)
იოგევ ოჰაიონი 189 უკანახაზელი 1987 მაქაბი (თელ-ავივი)
კარამ მაშური 198 ფორვარდი 1991 ბნეი ჰერცელია
ამიტ სიმონი 198 ფორვარდი 1989 მაქაბი (ჰაიფა)
ოზ ბლაიზერი 199 ფორვარდი 1992 მაქაბი (ჰაიფა)
ეგორ კულეჩოვი 196 უკანახაზელი 1994 ფლორიდა (NჩAA)
ელიშაი კადირი 202 ფორვარდი 1987 მაქაბი (რიშონი)
იტაი სეგევი 205 ფორვარდი 1995 მაქაბი (თელ-ავივი)
ალექსეი ჩუბრევიჩი 212 ცენტრი 1986 ჰაპოელი (ჰოლონი)
ტომერ გინატი 202 ფორვარდი 1994 ჰაპოელი (თელ-ავივი)
(იბეჭდება მცირე ცვლილებით)
ყოველდღიური სპორტული გაზეთი "ლელო"
