7 სექტემბერს, საქართველოს საკალათბურთო ნაკრები სლოვენიაში მიმდინარე ევროპის ჩემპიონატზე თავის მესამე შეხვედრას მასპინძლებთან მართავს.ბოლო მეოთხედის წინ ანგარიშია 54:46 - სლოვენიელთა სასარგებლოდ.
არადა, იგორ კოკოშკოვის შეგირდებმა შეხვედრა აქტიურად დაიწყეს და განსაკუთრებით დაცვაში კარგი თამაშის წყალობთ, პირველი პერიოდი თავის სასარგებლოდ ჩაამთავრეს - 19:13.
ქართველმა კალათბურთელებმა მეორე მეოთხედი ასევე კარგად კი დაიწყეს და ანგარიშის სხვაობა 11 ქულამდეც გაზარდეს, მაგრამ ამას მოჰყვა პერიოდი, როდესაც სლოვენიელებს ყველაფერი გამოსდიოდათ, ჩვენებს კი - არაფერი. მასპინძლებმა განსაკუთრებით კარგად სამქულიანები ისროლეს, რასაც მათი 15-ქულიანი გაქცევა მოჰყვა.
საბოლოოდ ტაიმი
ვერ ვიტყვით, რომ მესამე მეოთხედში ქართველმა კალათბურთელებმა თამაში გამოასწორეს. უფრო მასპინძლებმა მოუხშირეს შეცდომებს და ჩვეული შედეგიანობით ვეღარ ისროდნენ, რის შედეგადაც პერიოდი ოთხი ქულით მოვიგეთ.
ამრიგად, ბოლო მეოთხედის წინ სხვაობა 8 ქულაა, რისი გაქვითვაც შეუძლებელი ნამდვილად არაა...
