საქართველოს კალათბურთელთა ნაკრებში წლეულსაც ითამაშებს ნატურალიზებული კალათბურთელი. საერთაშორისო ფედერაცია ყველა ქვეყანას თითო უცხოელის გამოყვანის უფლებას აძლევს და ლეგიონერებს ისეთი ქვეყნები იმატებენ, როგორებიც იტალია და ესპანეთია. მაღალი მიზნებისთვის ბრძოლაში საქართველოს ნაკრებსაც სჭირდება ნატურალიზებული. ოღონდ, ძლიერი...კალათბურთის ფედერაციაშიც დაგვიდასტურეს, რომ მოლაპარაკებები მიმდინარეობს მაიკ ჯეიმსთან, თუმცა ჯერ საქმე ბოლომდე არ არის მისული და გადაჭრით იმის თქმა, რომ ის ევრობასკეტი 2017-ის შესარჩევ ეტაპზე ჩვენი გუნდის ღირსებას დაიცავს, არ შეიძლება.
ვინ არის მაიკი? - თორნიკე შენგელიას თანაგუნდელი "ბასკონიაში", გუნდის ლიდერი, რომელსაც თამაშის საკუთარ თავზე აღებაც 25 წლის ამერიკელი უკანახაზელი ესპანეთის ჩემპიონატში საშუალოდ 9.8 ქულას, 2.8 პასსა და 2 მოხსნას აგროვებს. ევროლიგაში კი - 10.4 ქულას, 2.5 მოხსნასა და 2.4 პასს.
აი, სწორედ ასეთ ლეგიონერს ვეძებთ მერამდენე წელია, თუმცა, როდესაც საქმე საქართველოს ნაკრებს ეხება, ცოტა სიფრთხილეა საჭირო: ნებისმიერმა ნატურალიზებულმა უნდა იცოდეს თავისი საქმე და ისიც, როდის აიღოს თამაში საკუთარ თავზე და როდის - არა.
ჩვენი გუნდის ძირითადი ბირთვი წლების განმავლობაში ყალიბდებოდა და მასთან ბოლომდე შეთვისება ბევრმა ამერიკელმა ვერ შეძლო.
იმედი დავიტოვოთ, თუ მაიკ ჯეიმსი ჩამოვა, კარგად გაუგებს როგორც მწვრთნელს, ასევე კალათბურთელებს.
