დღეს, 24 აგვისტოს, საქართველოს კალათბურთელთა ეროვნული ნაკრები პოლონეთის ქალაქ ვლოცლავეკში, საერთაშორისო ამხანაგურ მინი-ტურნირში პირველ მატჩს შვედეთის ნაკრებთან გამართავს.შეხვედრა თბილისის დროით 19:30 საათზე დაიწყება და გულშემატკივრებს ტრანსლაციის ყურება საქართველოს კალათბურთის ფედერაციის "ფეისბუქის" ოფიციალურ გვერდზე შეეძლებათ (იხილეთ ბმული).
სამწუხაროდ, შვედეთთან მატჩში მონაწილეობას ვერ მიიღებს თორნიკე შენგელია, რომელსაც ფეხი აწუხებს და გართულების თავიდან ასარიდებლად მწვრთნელებმა მისი დასვენება გადაწყვიტეს.
თამაშის წინა დღეს ილიას ზუროსმა გუნდი 1 საათის განმავლობაში, კომპლექსურად ავარჯიშა, უმეტესი დრო კი კომბინაციების გათამაშებას დაუთმო. კალათბურთელებმა კომბინაციები როგორც ცალ ფარში, ისე ორმხრივი
შეგახსენებთ, რომ ტურნირის მონაწილე 4 გუნდი ნახევარფინალშია დაწყვილებული. შვედეთი-საქართველოს მატჩის შემდეგ ვლოცლავეკის "ანვილ-არენაზე" პოლონეთისა და ბელგიის დაპირისპირება გაიმართება. 25 აგვისტოს, ნახევარფინალებში გამარჯვებულები ერთმანეთს ფინალში შეხვდებიან, წაგებულები კი მესამე ადგილს გაითამაშებენ.
მომზადებულია gbf.ge-ს მიხედვით
![შენგელია ბოლონიელთაგან საუკეთესო იყო - "ვირტუსმა" ოვერტაიმში წააგო [VIDEO]](/pictures/image7/e5869ed7d689d5f1e45a497325b923a7.jpg "შენგელია ბოლონიელთაგან საუკეთესო იყო - \"ვირტუსმა\" ოვერტაიმში წააგო [VIDEO]")
![შენგელია შეუჩერებელია - თოკომ "ვირტუსი" იტალიის თასის ფინალში გაიყვანა [VIDEO]](/pictures/image7/1d0f56e720e147d5299277156ffec4ff.jpg "შენგელია შეუჩერებელია - თოკომ \"ვირტუსი\" იტალიის თასის ფინალში გაიყვანა [VIDEO]")
