ევრობასკეტზე საქართველოს ნაკრების ხუთეულის წევრი ლევან ფაცაცია უკრაინაშია და იქაურ "დნიპრო-აზოტთან" ერთად ახალი სეზონისთვის ემზადება.გუნდი ამჟამად ჩერკასშია, სადაც "ვენეტოს" თასის პირველი მატჩი ყაზახურ "კასპიისთან" ჩაატარა და 67:57 მოიგო. ფაცაციამ 9 ქულა ჩააგდო.
მანამდე "დნიპრო-აზოტმა" გავრილოვის მემორიალზე სამი შეხვედრა გამართა. "კრასნი ოკტიაბრთან" 82:114 დამარცხდა, "ჩერკასთან" - 69:83, ხოლო "ფეროსთან" - 66:81.
"ოქტომბრელებთან" ლევან ფაცაციამ 14 ქულა და 7 მოხსნა მიითვალა, ჩერკასელებთან - 5 ქულა, ხოლო ფეროელებთან - 3 ქულა.
ყოველდღიური სპორტული გაზეთი "ლელო"
