ოქტომბრის დადგომასთან ერთად, ამერიკაში NBA-ს გუნდები ახალი სეზონისთვის მზადებას შეუდგნენ. მათ შორის - "მილუოკი ბაქსი", რომელშიც მომავალი სეზონიდან ქართველი ზაზა ფაჩულია ითამაშებს.როგორც წესი, ვარჯიშების დაწყებამდე ერთი დღე მედიასთან ურთიერთობას ეთმობა. "მილუოკის" ღია ვარჯიში ოფიციალურ საიტზე პირდაპირ ეთერში გადაიცა და საშუალება მოგვეცა მოგვესმინა როგორც მწვრთნელის, ასევე კალათბურთელთა მოსაზრებები გუნდის მომავალთან დაკავშირებით.
რეპორტაჟის წამყვანი ესაუბრებოდა ახალგაზრდა, აფრიკული წარმოშობის ბერძენ იანის ანტეტოკოუნმპოს, როცა მაგიდას ზაზა ფაჩულია მიუჯდა და თარჯიმნობა შესთავაზა.
ქართველმა ვეტერანმა დებიუტანტის რამდენიმე ინგლისური ფრაზა ხუმრობით ინგლისურადვე თარგმნა.
- ამ ახალგაზრდას
სხვათა შორის, ბერძნები და საქართველოს ახალგაზრდული ნაკრები ერთ ჯგუფში იყვნენ. იანისის წინააღმდეგ უნდა ეთამაშა ჩემს ბიძაშვილს (ბექა ბურჯანაძეს), მაგრამ ტრავმის გამო ევროპის ჩემპიონატი გამოტოვა.
წამყვანმა ბერძენ კალათბურთელს ჰკითხა ზაზა ფაჩულიას შესახებ. ანტეტოკოუნმპომ წინა დღის ამბავი გაიხსენა:
- რამდენიმე კალათბურთელი რესტორანში ვიყავით, გვარიანად ვისადილეთ. მთლიანი თანხა კი ზაზა ფაჩულიამ გადაიხადა. კარგი ადამიანია, მოედანზეც მხარში მიდგას და მის მიღმაც.
ჟურნალისტმა ფაჩულიას შეახსენა, რომ ახალი სეზონის წინ "მილუოკის" შემადგენლობა მნიშვნელოვნად გადახალისდა. შეიცვალა მთავარი მწვრთნელი - გუნდის თავკაცად ლარი დრიუ "ატლანტადან" მივიდა. ამავე გუნდიდანაა ფაჩულია, რომელიც ახალი გუნდის მომავალს იმედიანად უყურებს.
- პროგრესირებადი შემადგენლობაა, ახალგაზრდებისა და ვეტერანების საინტერესო ნაზავია.
ერთმანეთის გვერდით უნდა დავდგეთ როგორც კარგ, ასევე ცუდ დღეებში. სწორედ ეს მოიტანს შედეგს, რაშიც, უმთავრესად, პლეი ოფში გასვლა იგულისხმება.
რაც შეეხება ჩემს "ატლანტასთან" კავშირს, გუნდსაც დიდ პატივს ვცემ და ქალაქსაც. ძალიან მინდა, რაც შეიძლება მალე ჩავიდე ჯორჯიაში და ატლანტელი ქომაგის წინაშე ვითამაშო.
ყოველდღიური სპორტული გაზეთი "ლელო"
![ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი "ბაქსის" რიგებში [VIDEO]](/pictures/image7/45c9ce7b9d042b3a317520e3550f587a.jpg "ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი \"ბაქსის\" რიგებში [VIDEO]")
![ჯიმი ბატლერის სასწაული ბოლო წამებზე - "ბაქსი" პლეი-ოფს გამოეთიშა [VIDEO]](/pictures/image7/0b9aa0553f6e936c1126c2320463a1aa.jpg "ჯიმი ბატლერის სასწაული ბოლო წამებზე - \"ბაქსი\" პლეი-ოფს გამოეთიშა [VIDEO]")
![ტეიტუმისა და ბრაუნის კომბინირებული 70 ქულა - "ბოსტონმა" ლიგის საუკეთესო გუნდი 41 ქულით დაამარცხა [VIDEO]](/pictures/image7/37deb9b27a5afcd0cbef083a250fe9d0.jpg "ტეიტუმისა და ბრაუნის კომბინირებული 70 ქულა - \"ბოსტონმა\" ლიგის საუკეთესო გუნდი 41 ქულით დაამარცხა [VIDEO]")
![მამუკელაშვილი "მილუოკიში" 12 ქულითა და 7 მოხსნით დაბრუნდა [VIDEO]](/pictures/image7/35bd13ec35822d8af8687df470b5721c.jpg "მამუკელაშვილი \"მილუოკიში\" 12 ქულითა და 7 მოხსნით დაბრუნდა [VIDEO]")
