გიორგი შერმადინის გუნდმა იტალიის სერია A-ში დასანანი მატჩი წააგო. "კანტუ" პირველი ტაიმის შემდეგ 13 ქულით ამარცხებდა "პისტოიას", თუმცა მეორე ნახევარში ეს ლიდერობა გაანიავა და შეხვედრა ოვერტაიმში გადავიდა. დამატებით ხუთწუთეულში კი კანტუელები 76:80 დამარცხდნენ.
ქართველი ცენტრი სასტარტო ხუთეულში იყო და 16 წუთში 4 ქულა, 7 მოხსნა (2 შეტევაში), 2 პასი და 1 დაფარება მოაგროვა. გიორგიმ 3-დან 1 ორქულიანი და 2-ვე საჯარიმო ჩააგდო, ბურთი ერთხელ დაკარგა, 1 პერსონალური ფოლი მიიღო, მის წინააღმდეგ კი 2-ჯერ დაჯარიმდნენ.
მასპინძელთა რიგებში 19 ქულით საუკეთესო დარიუს ჯონსონ-ოდომი
კანტუელებს 4 მოგება და 5 მარცხი მოუგროვდათ და მე-10 ადგილზე დაქვეითდნენ. შემდეგ ტურში, 14 დეკემბერს შერმადინის გუნდი "დ'ორლანდოს" დაუპირისპირდება.
წყარო: gbf.ge
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
