ევროთასის მეორე ეტაპის მეორე ტურში გაიმარჯვა ვიქტორ სანიკიძის "უნიკსმა", ხოლო მოგებამდე ძალიან ცოტა დააკლდა გიორგი შერმადინის "კანტუს". უნიკსელებმა ჩეხურ "ნიმბურკს" უმასპინძლეს და 75:67 სძლიეს. კანტუელები კი საბერძნეთს სტუმრობდნენ, სალონიკის პაოკ-თან დაძაბულ ბრძოლაში 77:78 დამარცხდნენ.
შერმადინი სასტარტო ხუთეულში იყო და მოედანზე 16 წუთი გაატარა. დროის ამ მონაკვეთში მან 6-6 ქულა-მოხსნა და თითო პასი-დაფარება ჩაიწერა. "კანტუს" სნაიპერი 16 ქულით დექუან ჯონსი გახდა. პაოკ-ის გამარჯვება კი 18-ქულიანმა კევინ ლენგფორდმა განაპირობა.
ამავე გვარის კალათბურთელი, ოღონდ კიტი, "უნიკსი"-"ნიმბურკის" ბომბარდირი გახდა - 14 ქულა.
ვიქტორ სანიკიძემ
ევროთასზე თითო ჯგუფში ოთხი გუნდია, მატჩებს შინ და გარეთ მართავენ. ამიტომ ჯგუფური ეტაპის დასრულებამდე ოთხი მატჩით ადრე ჯგუფიდან გასვლა-არგასვლაზე დასკვნების გამოტანა ნაადრევია.
ყოველდღიური სპორტული გაზეთი "ლელო"
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
