11 მარტს ესპანეთის საკალათბურთო ლიგამ (ACB) განაჩენი გამოუტანა თორნიკე შენგელიას ბასკურ დერბიში ჩხუბისთვის.შეგახსენებთ, რომ "ბასკონიასა" და "ბილბაო ბასკეტის" მატჩის ბოლო წამებზე თორნიკე შენგელიასა და დეიან ტოდოროვიჩს შორის ამტყდარი ჩხუბი გუნდი-გუნდზე დაპირისპირებაში გადაიზარდა.
სადისციპლინო კომიტეტმა შენგელიას და ტოდოროვიჩს დროებითი დისკვალიფიკაცია მოუხსნა და ქართველ კალათბურთელს 5-მატჩიანი დისკვალიფიკაცია მისცა, სერბს - 4-მატჩიანი.
თორნიკეს 5-დან ერთი მატჩი უკვე გამოტოვებული აქვს. შენგელიას თანაგუნდელი დიოპი 3 ათასი დოლარით დაჯარიმდა. კალათბურთელებს გასაჩივრებისთვის 10-დღიანი ვადა აქვთ.
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
