ესპანეთის ჩემპიონატში 31-ე ტურის მატჩები გაიმართა. თორნიკე შენგელიას "ბასკონიამ" "მურსიას" უმასპინძლა და მოულოდნელად 77:85 დამარცხდა.თორნიკემ მატჩი სასტარტო ხუთეულში დაიწყო და 25 წუთი ითამაშა. დროის ამ მონაკვეთში მან 9 ქულა, 5 მოხსნა და 2 შედეგიანი გადაცემა მოაგროვა. ბასკონიელთა სნაიპერი ფაბიენ კოსიე გახდა, რომელმაც 15 ქულა ჩააგდო.
ამ წაგებით "ბასკონიამ" "ხუვენტუდს" დაწევის საშუალება მისცა. ორივე გუნდს 17-17 მოგება აქვს (14-14 მარცხი) და მეექვსე-მეშვიდე ადგილებს ინაწილებს.
ესპანეთის ჩემპიონატის რეგულარული ეტაპის დასრულებამდე 3 ტურია დარჩენილი. უახლოეს მატჩს "ბასკონია" მადრიდში "ესტუდიანტესის" წინააღმდეგ ჩაატარებს.
ყოველდღიური
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
