მანუჩარ მარკოიშვილის "დარუშაფაკამ" გერმანულ "ბროსე ბამბერგთან" შინ პრინციპული მატჩი წააგო და ევროლიგის ჯგუფიდან გასვლა ვადაზე ადრე ვერ გაინაღდა."დ" ჯგუფის ლიდერების - ცსკა-ს და "უნიკახას" კვალზე ჯგუფიდან გავიდა "დარუშაფაკას" მომგები "ბამბერგი", ხოლო გამსვლელი 1 ადგილისთვის დარჩენილ 3 ტურში 3 გუნდი - "დარუშაფაკა", "მაკაბი" და "დინამო სასარი" იბრძოლებს.
ამ გუნდებიდან ჯგუფიდან გასვლის რეალური შანსი "დარუშაფაკას" აქვს, რომელიც "მაკაბის" 2, ხოლო "სასარის" 3 ქულით უსწრებს და სასწაული უნდა მოხდეს, რომ მარკოიშვილის გუნდმა საწადელი ვერ აიხდინოს. დასანანი ისაა, რომ ამის გაკეთება სტამბოლურ გუნდს
შეხვედრა დაცვითი თამაშით გამოირჩა და გერმანული კლუბის გამარჯვებით - 65:54 დასრულდა.
მარკოიშვილი სასტარტო ხუთეულში იყო და მოედანზე გატარებულ 15:11 წუთში 2 ქულა, 2 პასი, 1 მოხსნა და 1 დაფარება მიითვალა.
სტამბოლელთაგან 13 ქულით ჯეიმონ გორდონი გამოირჩა, მარკუს სლაგტერის ანგარიშზე კი 12 ქულა დაგროვდა.
3 მოგებითა და 4 მარცხით "დარუშაფაკა" გამსვლელ, მეოთხე ადგილზეა, თუმცა დარჩენილ 3 ტურში მდევარ მაკაბისთან ახლა არსებული 2-ქულიანი უპირატესობა უნდა შეინარჩუნოს.
მორიგ ტურში, 4 დეკემბერს, მაკროიშვილის გუნდი "უნიკახას" უმასპინძლებს.
მომზადებულია gbf.ge-ს მიხედვით
