გიორგი შერმადინი კარიერის ერთ-ერთ საუკეთესო სეზონს ატარებს. ქართველი ცენტრი ესპანეთის უმაღლესი ლიგის კლუბ "ანდორა მორაბანკის" ღირსებას იცავს, რომელიც ევროპის ერთ-ერთ უძლიერეს ჩემპიონატში თავს არ ირცხვენს, 12 ტურის შემდეგ 6 გამარჯვება აქვს და ამ წარმატებაში ლომის წილი შერმადინს მიუძღვის.
უკვე მერამდენედ - შერმადინი "ანდორას" საუკეთესო მოთამაშე გახდა. ანდორელებმა სტუმრად "ხუვენტუდი" 90:79 დაამარცხეს, ქართველ ცენტრს კი ორმაგ დუბლამდე 1 მოხსნა დააკლდა.
გიორგიმ სასტარტო ხუთეულში ითამაშა და მოედანზე გატარებულ 24:25 წუთში 10-დან 8 ორქულიანი და 5-დან 3 საჯარიმო ჩააგდო. მოპოვებულ 19 ქულას შერმადინმა 9 მოხსნა და 1 დაფარება მოაყოლა და მარგი ქმედების ყველაზე მაღალი (23) კოეფიციენტით საუკეთესო გახდა.
6 მოგებითა და 6 წაგებით "ანდორა მორაბანკი" მე-7 ადგილზე აღზევდა. მორიგ ტურში, 27 დეკემბერს, შერმადინის გუნდი "გრან კანარიას" უმასპინძლებს.
მომზადებულია gbf.ge-ს მიხედვით
09:28 23-12-2015
გიორგი შერმადინის 19 ქულა და გამარჯვება "ხუვენტუდთან" [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
უძრავი ქონება
107.00 k
150.00 k
სიახლეები
პოპულარული
