საქართველოს ნაკრების კალათბურთელის თორნიკე შენგელიას გუნდმა "ლაბორალ კუჩამ" ევროლიგაში ზედიზედ მეორე გრანდი დაამარცხა. გასულ ტურში მოსკოვის ცსკა-ს ძლევის შემდეგ ვიტორიელები კატალონიაში "ბარსელონას" შეხვდნენ და დრამატულ მატჩში, 3 ქულით დაამარცხეს.
შეხვედრის ბედი ძირითადმა დრომ ვერ გამოავლინა, ხოლო დამატებითი 5-წუთეულის შემდეგ შენგელიას გუნდის გამარჯვება დაფიქსირდა - 81:78.
შენგელია სასტარტო ხუთულში იყო და მოედანზე არასრული 30 წუთი გაატარა. ქართველმა ფორვარდმა 10-დან 5 ორქულიანი და 2-დან 1 საჯარიმო ჩააგდო, 1 სამიანი კი ააცილა. საბოლოოდ თორნიკეს ანგარიშზე 11 ქულა, 5 მოხსნა, 3 პასი და 2 ჩაჭრა დაგროვდა. შენგელიამ 2 ჯარიმა მიიღო, ბურთი 4-ჯერ დაკარგა, მის წინააღმდეგ კი მეტოქეები 3-ჯერ დაჯარიმდნენ.
ვიტორიელთაგან საუკეთესო იყო იანის ბურუსისი, რომელმაც 24 ქულა, 8 მოხსნა და 3 პასი დააგროვა. 17 ქულა დარიუს ადამსის ანგარიშზეა, ხოლო იაკა ბლაჟიჩმა გამარჯვებულებს 10 ქულა შესძინა. "ბარსელონაში" 21 ქულით ალექს აბრინესი გამოირჩა, ხოლო სტრატოს პერპეროღლუმ კატალონიელებს 10 ქულა მიაშველა.
5 ტურის შემდეგ 3 მოგებით შენგელიას გუნდი ჯგუფში II-IV ადგილებს ცსკა-სთან და მადრიდის "რეალთან" იყოფს. სწორედ სამეფო გუნდი იქნება "ლაბორალ კუჩას" მასპინძელი 5 თებერვალს.
მომზადებულია gbf.ge-ს მიხედვით
13:00 30-01-2016
თორნიკე შენგელიამ და "ლაბორალმა" ევროლიგაში "ბარსელონაც" გაამწარეს [VIDEO]
AutoSharing Option
ასევე დაგაინტერესებთ
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
107.00 k
150.00 k
სიახლეები
პოპულარული
ზაზა ფაჩულიას და ნიკოლა მიროტიჩის ჩხუბი თამაშის დროს