აკაკი დვალიშვილის "ნოვოსიბირსკმა" რუსეთის სუპერლიგა 1-ში მორიგი გამარჯვება მოიპოვა. ციმბირულმა გუნდმა სეზონის 5 მოგებით დაწყების შემდეგ გასულ ტურში წაიფორხილა, "სპარტაკ-პრიმორიესთან" 73:81 წააგო, თუმცა მორიგ ტურში კვლავ იმარჯვა. ნოვოსიბირსკელები მოსკოვის რეგიონის გუნდ "ხიმკი-პოდმოსკოვიეს" ესტუმრნენ და ძალიან იოლად - 85:50 იმარჯვეს.
ქართველი ფორვარდი საკმაოდ შედეგიანად გაისარჯა. დვალიშვილი მატჩში სათადარიგოთა სკამიდან ჩაება და მოედანზე გატარებულ 14:22 წუთში 10 ქულა, 2 მოხსნა და 1 დაფარება მიითვალა. აკაკიმ 8-დან 5 ორქულიანი ჩააგდო, 1 ჯარიმა მიიღო
6 მოგებით და 1 წაგებით "ნოვოსიბირსკი" მეორე ადგილზეა და მომდევნო მატჩს 10 ნოემბერს, ერევანში, "ურარუსთან" გამართავს.
მომზადებულია gbf.ge-ს მიხედვით
![[ინტერვიუ აკაკი დვალიშვილთან] ქართული სამზარეულო - ენერგიის წყარო](/pictures/image7/b94eccbcc2129d5746ad108a19e04aac.jpg "[ინტერვიუ აკაკი დვალიშვილთან] ქართული სამზარეულო - ენერგიის წყარო")
