დუდუ დადიანის მემორიალის მე-14 გათამაშება 5 ოქტომბერს დაიწყება.ტრაგიკულად დაღუპული საქართველოს ეროვნული ნაკრების მოთამაშისა და კალათბურთის ფედერაციის ვიცე-პრეზიდენტის, დუდუ დადიანის მემორიალური ტურნირი წელს მე-14-ედ გაიმართება. ტურნირი 5 ოქტომბერს დაიწყება, ხოლო ფინალური მატჩი 9 ოქტომბერს ჩატარდება.
დუდუ დადიანის მემორიალის მატჩები თბილისის სპორტის ახალ სასახლეში (უნივერსიტეტის ქუჩა) გაიმართება და მასში მონაწილეობას სუპერლიგის 6 გუნდი მიიღებს. მემორიალში არ გამოვლენ სუპერლიგის გუნდები "ბათუმი" და "კაკტუსი", ხოლო დანარჩენები ჯგუფში შემდეგნაირად გადანაწილდნენ:
"ა" ჯგუფი: ქუთაისი, სოხუმი, რუსთავი
"ბ" ჯგუფი": დინამო, მგზავრები, ოლიმპი
ჯგუფებში მატჩები ერთ წრედ
აქამდე გამართული დუდუ დადიანის 13 მემორიალიდან ყველაზე მეტჯერ ტიტული რუსთაველებს მოუგიათ. 2006-10 წლებში, როცა "ენერჯი-ინვესტის" სახელით გამოდიოდნენ, ქვემოქართლელებმა დადიანის მემორიალი ზედიზედ 5-ჯერ მოიგეს.
წყარო: gbf.ge
