NBA. რეგულარული ჩემპიონატი: ახალი ისტორია უესტბრუკისგან

პირველად 1962 წლის შემდეგ, ეროვნულ საკალათბურთო ასოციაციაში გამოჩნდა მოთამაშე, რომელიც რეგულარულ ჩემპიონატს სეზონული სამმაგი დუბლით დაასრულებს.

შაბათს, "ფინიქსთან" მატჩში "ოკლაჰომას" ლიდერმა რასელ უესტბრუკმა 23 ქულა, 12 მოხსნა და რვა შედეგიანი პასი დააგროვა. აღნიშნულ მატჩში მეექვსე გადაცემამ უესტბრუკს სეზონში ორნიშნა საშუალო მაჩვენებელი გაუნაღდა სამ სტატისტიკურ კატეგორიაში.

რეგულარულის დამთავრებამდე სამი მატჩით ადრე, ოკლაჰომელის საშუალო სტატისტიკაა - 31.8 ქულა, 10.7 მოხსნა და 10.4 შედეგიანი პასი.

ადრე მსგავი რამ მხოლოდ ერთმა მოთამაშემ შეძლო - 1961-62 წლების სეზონში "ცინცინატი როიალზის" შემადგენლობაში ოსკარ რობერტსონმა - 30.8 ქულა, 12.5 მოხსნა და 11.4 პასი.

ლილარდი პორტლენდის რეკორდსმენი გახდა, უეიდმა ჩიკაგოს ვერ უშველა, ინდიანა პლეი ოფს მიუახლოვდა

"ბოსტონმა" დრამატული შეხვედრა მოუგო "შარლოტს" და ამ გუნდს მოუსპო პლეი ოფში მოხვედრის ყველა შანსი. "სელტიქსი" პირველი ტაიმის შემდეგ, 17 ქულით იგებდა, სამი მეოთხედის შემდეგ - 19 ქულით, მაგრამ ბოსტონელებს მეოთხე მეოთხედში თამაშის გადარჩენაზე ზრუნვა მოუხდათ. "სელტიქსი" შვიდი ქულით ჩამორჩა, მაგრამ აქ გაიბრწყინა აიზია ტომასმა, როცა ბოლო წუთებზე ზედიზედ შვიდი ქულა აიღო და თავის გუნდს ისევ მოუტანა უპირატესობა.

* * *
"პორტლენდის" გამთამაშებელი დამიენ ლილარდი კლუბის რეკორდსმენი გახდა ერთ მატჩში დაგროვილი ქულების რაოდენობით. ლილარდმა 59 ქულა ჩაუგდო "იუტას" და გააუმჯობესა დემონ სტაუდმაიერის რეკორდი. ამ კალათბურთელმა 2004-05 წლების სეზონში ერთ მატჩში 54 ქულა დააგროვა.

ლილარდმა 34-დან 18 სროლა ჩააგდო თამაშიდან (14-დან ცხრა სამქულიანი) და 16-დან 14 საჯარიმო გამოიყენა.

* * *
"სან ანტონიომ" შინ ბოლო მატჩი ჩაატარა რეგულარულ სეზონში და წააგო "კლიპერსთან". თანაბარი პირველი ორი მეოთხედის შემდეგ, კალიფორნიელებმა შეძლეს მესამე მეოთხედში 12 ქულით წინ გაჭრა და ეს უპირატესობა ბოლომდე შეინარჩუნეს.

წაგების მიუხედავად, "სან ანტონიოს" განაღდებული აქვს დასავლეთში და მთლიანად რეგულარულში მეორე განთესვის ნომერი.

* * *
"მილუოკიმ" "ფილადელფიას" 90:82 მოუგო და გაინაღდა პლეი ოფში თამაში. მატჩის ყველაზე შედეგიანი მოთამაშე იყო იანის ანტენტოკუნმპო, რომელმაც თავისი 20 ქულიდან რვა მესამე მეოთხედში დააგროვა, რომელშიც "ბაქსმა" მეტოქეს 25:12 მოუგო.

* * *
დაძაბული ბრძოლაა "მაიამისა" და "ჩიკაგოს" შორის პლეი ოფის მერვე საგზურისთვის. "ჰიტმა" აღმოსავლეთის მეოთხე გუნდს "ვაშინგტონს" სეზონში მესამედ მოუგო და ახლა, 39 გამარჯვებით მერვე-მეცხრე ადგილებს იყოფს "ჩიკაგოსთან". "ბულზს" ამ სეზონში სამიდან ორჯერ ჰყავს დამარცხებული "ჰიტი" და გათამაშების ცხრილში უფრო მაღლა იმყოფება.

* * *
თავის მხრივ, "ჩიკაგომ" წააგო აღმოსავლეთის ერთ-ერთ აუთსაიდერთან "ბრუკლინთან". "ხარების" რიგებში 15 მარტის შემდეგ პირველი მატჩი ჩაატარა დუეინ უეიდმა, რომელმაც 14 ქულა დააგროვა, მაგრამ თავის გუნდს ვერ უშველა.

მასპინძლებმა მთელი პირველი ტაიმის განმავლობაში შეინარჩუნეს ლიდერობა - მეორე მეოთხედში სხვაობა 15 ქულას შეადგენდა. მესამე 12-წუთეულში "ჩიკაგომ" მოახერხა დაწევა და წინ გასვლა, მაგრამ სულ ბოლოს "ნეტსმა" მაინც შეძლო მოგება.

"ბრუკლინს" ყველაზე მეტად დაეხმარნენ დებიუტანტები - სპენსერ დინუიდი, რომელმაც 13 წამით ადრე, უმნიშვნელოვანესი საჯარიმოები ჩააგდო და კრის ლევერტი. ამ უკანასკნელმა ცხრიდან ექვსი ბურთი ჩააგდო, მათ შორის, სამქულიანი 1:23-ით ადრე და ანგარიში გაათანაბრა - 101:101.

* * *
"ინდიანამ" კიდევ ერთი ნაბიჯი გადადგა პლეი ოფისკენ. მან 127:112 მოუგო "ორლანდოს" და ზედიზედ მესამე გამარჯვება მოიპოვა. ეს "პეისერსის" მე-40 მოგება იყო და გუნდი მეშვიდე ადგილზეა აღმოსავლეთ კონფერენციაში.
"ორლანდომ" ზედიზედ მეხუთე სეზონში ვერ შეძლო პლეი ოფში გასვლა.

ბრუკლინი-ჩიკაგო 107:106
32:25, 19:20, 24:37, 32:24
ბ: დინუიდი (19), ლევერტი (19), ჰოლის-ჯეფერსონი (16+12 მოხსნა), ლოპესი (13), ლინი (12+7 პასი).
ჩ: ბატლერი (33+7 მოხსნა), ლოპესი (16+8 მოხსნა), გრანტი (15), უეიდი (14+7 მოხსნა).

ორლანდო-ინდიანა 112:127
38:39, 21:29, 23:31, 30:28
ო: როსი (29), ფურნიე (23), გორდონი (17), პეიტონი (10+10 პასი), ვუჩევიჩი (8+10 მოხსნა).
ი: ჯორჯი (37+7 მოხსნა+6 პასი), ტერნერი (23+10 მოხსნა), იანგი (14), მაილზი (11), სერაფინი (11), ტიგი (9+13 პასი).

შარლოტი-ბოსტონი 114:121
28:32, 26:39, 32:21, 28:29
შ: ბატუმი (31+8 მოხსნა), უოკერი (23+8 პასი), ლემბი (17), ზელერი (12+9 მოხსნა).
ბ: ტომასი (32+6 პასი), ჰორფორდი (16+7 პასი), ბრედლი (15), კრაუდერი (15+9 მოხსნა), ოლინიკი (13+11 მოხსნა), ბრაუნი (10).

ფილადელფია-მილუოკი 82:90
21:23, 27:19, 12:25, 22:23
ფ: ჰოლმსი (17+10 მოხსნა), შარიჩი (14+8 მოხსნა), ლუვავუ-კაბარო (12), მაკონელი (10+10 პასი).
მ: ანტენტოკუნმპო (20+10 მოხსნა+6 პასი), მონრო (17), დელავედოვა (14).

ვაშინგტონი-მაიამი 103:106
29:28, 23:24, 22:26, 29:28
ვ: მორისი (21), უოლი (16+8 პასი), ბილი (16), უბრე (12), გორტატი (11+11 მოხსნა), მაინმი (11+9 მოხსნა).
მ: უაიტსაიდი (30+12 მოხსნა), ტ. ჯონსონი (19), დრაგიჩი (18+7 პასი), ჯ. ჯონსონი (15+11 მოხსნა), რიჩარდსონი (10+5 ჩაჭრა), ელინგტონი (10).

სან ანტონიო-კლიპერსი 87:98
23:22, 20:30, 27:30, 17:16
ს-ა: ლენარდი (28), ოლდრიჯი (18), პ. გასოლი (15+7 მოხსნა), დედმონი (4+10 მოხსნა).
კ: პოლი (19+8 მოხსნა+8 პასი), გრიფინი (18+8 მოხსნა), ჯორდანი (17+17 მოხსნა), კროუფორდი (12), რედიკი (11), მბა ა მუტე (10).

პორტლენდი-იუტა 101:86
34:20, 14:22, 29:18, 24:26
პ: ლილარდი (59), ჰარკლესი (12).
ი: ჰეივორდი (21), გობერი (13+11 მოხსნა+4 დაფარება), ჯონსონი (13), ჰუდი (11).

გ. სტეიტი-ნ. ორლეანი 123:101
23:17, 31:29, 39:22, 30:33
გ-ს: ტომპსონი (20), კლარკი (17), მაკგი (16+7 მოხსნა), დურანტი (16+10 მოხსნა+6 პასი), იგუოდალა (15), ლივინგსტონი (14+6 პასი), გრინი (13+8 მოხსნა).
ნ-ო: კუკი (22), კროუფორდი (21), აჟენსა (17), ჰოლიდეი (10+10 პასი).

ყოველდღიური სპორტული გაზეთი "ლელო"