"ლეიკერსთან" რეგულარული ჩემპიონატის მატჩში "დალასის" ფორვარდმა დირკ ნოვიცკიმ 14 ქულა დააგროვა და ამან საშუალება მისცა ლიგის ყველა დროის ბომბარდირთა სიაში ელვინ ჰეიესისთვის გაესწრო. ახლა, გერმანელი შესაბამის სიაში მეათე ადგილზე იმყოფება.ნოვიცკის მონაგარი NBA-ში 27 322 ქულას შეადგენს და მალე ექნება კიდევ ერთი საფეხურით ზემოთ ასვლის საშუალება - მეცხრე ადგილზე მყოფი დენ ისელის ანგარიშზე 27 482 ქულაა. შეგახსენებთ, რომ დირკი NBA-ის ისტორიაში საუკეთესო ბომბარდირია ლეგიონერებს შორის.
აღსანიშნავია, რომ მოქმედ კალათბურთელებში ნოვიცკი მხოლოდ კობი ბრაიანტს ჩამორჩება. "ლეიკერსთან" მატჩის შემდეგ გერმანელმა განაცხადა, რომ
"ვუთხარი კობის, რომ მის დაწევას ვაპირებ. თუმცა ეს რთული იქნება", - განაცხადა ნოვიცკიმ, რომელიც მე-17 სეზონს ატარებს ეროვნულ საკალათბურთო ასოციაციაში.
ამ მომენტისთვის, დირკსა და კობის შორის სხვაობა 5 ათას ქულას აღემატება.
ყოველდღიური სპორტული გაზეთი "ლელო"
![კარის წარმოუდგენელი რეკორდი - "ოქროს ბიჭუნას" ვერავინ აჩერებს [VIDEO]](/pictures/image7/4b87ce18e4577989b823fb54a675421b.jpg "კარის წარმოუდგენელი რეკორდი - \"ოქროს ბიჭუნას\" ვერავინ აჩერებს [VIDEO]")
![ნოვიცკი იჯდა და ამაყად უყურებდა ლუკას თამაშს... [VIDEO]](/pictures/image7/0e2f569fee3809bec63ac38813e084b3.png "ნოვიცკი იჯდა და ამაყად უყურებდა ლუკას თამაშს... [VIDEO]")
