NBA. რეგულარული ჩემპიონატი: კობი ბრაიანტი აუცილებლად დაბრუნდება

- "კლივლენდ კავალიერზის" ლიდერი ლებრონ ჯეიმსი კლუბის რეკორდსმენი გახდა შედეგიანი პასების რაოდენობით. "დალასთან" გუშინდელ მატჩში ფორვარდმა რვა შედეგიანი გადაცემა მიითვალა და საერთო მაჩვენებელი 4214-მდე აიყვანა. ასე რომ, ლებრონმა გაუსწრო მარკ პრაისს (4206) და "კლივლენდის" ერთპიროვნული რეკორდსმენი გახდა.

- "ლოს ანჯელეს ლეიკერსმა" ოფიციალურად გამოაცხადა მცველ ჯაბარი ბრაუნთან 10-დღიანი კონტრაქტის გაფორმების შესახებ. ეს კალათბურთელი წლევანდელ სეზონს D-ლიგის კლუბ "ლოს ანჯელეს დიფენდერსში" იწყებდა, სადაც 39 მატჩი ჩაატარა. მისი საშუალოსტატისტიკური მონაცემებია - 24.4 ქულა, 4.1 მოხსნა და 2.2 პასი.

- "ფინიქს სანზის" ხელმძღვანელობა 10-დღიან კონტრაქტზე მოელაპარაკა სეტ კარის, რომელიც "გოლდენ სტეიტის" ლიდერის, სტივენ კარის ძმაა. 24 წლის მცველი ამ სეზონში D-ლიგის კლუბ "ერი ბეი ჰოქსში" თამაშობდა და საშუალოდ 23.5 ქულას იხვეჭდა, ხოლო სამქულიანების რეალიზაციის პროცენტი 48-ს უდრიდა.

- "სან ანტონიო სპურსის" ცენტრმა ტიმ დანკანმა "ტორონტოსთან" გუშინდელ დაპირისპირებაში მარცხენა იდაყვი დაიზიანა. 38 წლის კალათბურთელმა ტრავმა თანაგუნდელ ტიაგო სპლიტერთან შეჯახებისას მიიღო. "ვფიქრობ, ტიმს ყველაფერი წესრიგში ექნება, თუმცა დღეს ამაზე დამაჯერებლად ლაპარაკი არ შემიძლია", - განაცხადა "სპურსის" დამრიგებელმა გრეგ პოპოვიჩმა.

- "მაიამი ჰიტის" ცენტრმა ჰასან უაიტსაიდმა ერთმატჩიანი დისკვალიფიკაცია მიიღო "სელტიქსის" მოთამაშისთვის, კელი ოლინიკისთვის ხელის კვრის გამო. ასე რომ, დებიუტანტი ვერ დაეხმარება ფლორიდელებს "ბრუკლინთან" მომავალ შეხვედრაში.

- "ლოს ანჯელეს ლეიკერსის" მთავარი ვარსკვლავი კობი ბრაიანტი, რომელიც მხარზე გადატანილი ოპერაციის შემდეგ აღდგენით კურსს გადის, აუცილებლად დაბრუნდება მოედანზე მომავალ სეზონში.

"ვინ თქვა, რომ კარიერის დასრულება გადავწყვიტე? ამაზე არც მიფიქრია. არასოდეს არ მეპარებოდა ეჭვი იმაში, რომ მომავალ სეზონში მოედანზე დავბრუნდები", - განაცხადა კობიმ.

- "შარლოტ ჰორნეტსის" გამთამაშებელი კემბა უოკერი სრულად გამოჯანმრთელდა მუხლზე გადატანილი ოპერაციის შემდეგ და მზად არის მოედანზე დასაბრუნებლად "საკრამენტოსთან" უახლოესი მატჩისთვის. შეგახსენებთ, რომ "შარლოტის" ლიდერმა ბოლოს რეგულარულ ჩემპიონატში 23 იანვარს ითამაშა.

- "ფილადელფია სიქსერზის" ცენტრმა ჯოელ ემბიდმა ტერფის ძველი ტრავმა გაიმიზეზა. დებიუტანტი ამჟამად სპეციალური ფეხსაცმლით გადაადგილდება. ჯერჯერობით არაფერია ცნობილი მოედანზე დაბრუნების ზუსტ თარიღზე. შეგახსენებთ, რომ ემბიდი "ფილადელფიამ" 2014 წლის დრაფტზე მესამე ნომრად აიყვანა.

ბრუკლინი-ნიუ ორლეანი 91:111
27:23, 19:32, 15:23, 30:33
ბ: ლოპესი (15+9 მოხსნა), ჯეკი (15), ბოგდანოვიჩი (12), იანგი (10), ჯონსონი (10), უილიამსი (10)
ნ-ო: პონდექსტერი (17), აჟინკა (17), კოული (16), გორდონი (16), დევისი (15), აშიქი (12+15 მოხსნა).

ინდიანა-ორლანდო 118:86
26:28, 33:19, 27:23, 32:16
ი: სტაკი (34), რუდეჟი (17), სკოლა (15+10 მოხსნა), ჯ. ჰილი (13), უოტსონი (12).
ო: ჰარისი (22), პეიტონი (14), ოლადიპო (13), ვუჩევიჩი (13).

სან ანტონიო-ტორონტო 117:107
28:17, 33:24, 24:30, 32:36
ს-ა: ლეონარდი (24+11 მოხსნა), პარკერი (23+9 პასი), გრინი (19), დანკანი (12+13 მოხსნა).
ტ: ლაური (32), დეროზანი (21), ა. ჯონსონი (16+14 მოხსნა), უილიამსი (11).

დალასი-კლივლენდი 94:127
31:26, 22:41, 23:32, 18:28
დ: პარსონსი (18), ელისი (17), სტაუდმაიერი (15), ნოვიცკი (13).
კ: ჯეიმსი (27+8 პასი+7 მოხსნა), ირვინგი (22), სმიტი (21), ლავი (21+14 მოხსნა), მოზგოვი (17

იუტა-ნიუ იორკი 87:82
24:20, 19:15, 22:30, 22:17
ი: ფეივორსი (29+12 მოხსნა), ჰუდი (17), ინგლსი (12).
ნ-ი: შვედი (21+10 მოხსნა+7 პასი), ბარნიანი (20), ოლდრიჩი (17+13 მოხსნა).

ლეიკერსი-დეტროიტი 93:85
25:20, 24:30, 18:11, 26:24
ლ: ჯ. ჰილი (16), ჯონსონი (13), დევისი (13), ლინი (12), უელინგტონი (11), კლარკსონი (10), ბლეკი (10).
დ: მონრო (24+9 მოხსნა), კოლდუელ-პოუპი (15), დრამონდი (14+21 მოხსნა), მიქსი (12).

ყოველდღიური სპორტული გაზეთი "ლელო"