NBA. რეგულარული ჩემპიონატი: ყველაზე სასარგებლო ჰარდენი

- "ნიუ იორკ ნიქსის" ესპანელი გამთამაშებელი ხოსე კალდერონი სეზონის დარჩენილ ნაწილს გამოტოვებს მარცხენა ფეხზე აქილევსის მყესის ტრავმის გამო. შეგახსენებთ, რომ 33 წლის კალათბურთელი მოედანზე 28 თებერვლის შემდეგ არ გამოჩენილა. მიმდინარე სეზონში კალდერონმა 42 მატჩი ჩაატარა და საშუალოდ 9.1 ქულა და 4.7 შედეგიანი პასი დააგროვა.

- "ჰიუსტონ როკეტსის" ლიდერმა ჯეიმს ჰარდენმა მორიგი შედეგიანი მატჩი ჩაატარა. "ინდიანასთან" მოგებულ შეხვედრაში მცველი ყველაზე სასარგებლო მოთამაშე იყო - 43 წუთში 44 ქულა და 7 შედეგიანი პასი დააგროვა.

- ცენტრ ჯავალ მაკგის, რომელიც "ფილადელფიადან" გაშვების შემდეგ თავისუფალი აგენტის სტატუსით სარგებლობს, ჩემპიონატის ერთ-ერთ ფავორიტთან კონტრაქტის გაფორმების იმედი აქვს. კალათბურთელი მზად არის, მიმდინარე სეზონის ბოლომდე გააფორმოს მოკლევადიანი ხელშეკრულება.

- ეროვნულმა საკალათბურთო ასოციაციამ გადაწყვიტა, გააუქმოს "ოკლაჰომას" ლიდერის, რასელ უესტბრუკის ბოლო სამმაგი დუბლი, რომელიც მან "მაიამისთან" მატჩში შეასრულა. როგორც გაირკვა, იმ 10 მოხსნიდან, რომელიც რასელმა მიითვალა, ერთი მას არ ეკუთვნოდა. ასე რომ, უესტბრუკის სტატისტიკა 12 ქულა, 9 მოხსნა და 17 შედეგიანი პასია. შესაბამისად, ოკლაჰომელს სეზონში არა ათი, არამედ ცხრა სამმაგი დუბლი აქვს.

- "ბოსტონის" მცველმა ევან ტერნერმა გუშინ მეორე სამმაგი დუბლი გაიფორმა კარიერაში. "ბრუკლინთან" მოგებულ მატჩში 26 წლის მოთამაშემ 19 ქულა, 10 მოხსნა და 12 შედეგიანი პასი დააგროვა. ტერნერმა პირველი ტრიპლდაბლი დაახლოებით ერთი თვით ადრე "ნიუ იორკთან" მატჩში შეასრულა.

ინდიანა-ჰიუსტონი 100:110
15:26, 24:27, 29:23, 32:34
ი: უოტსონი (23+5 პასი), ჰილი (20+6 მოხსნა+3 ჩაჭრა+3 დაფარება), ჰიბერტი (18+10 მოხსნა), უესტი (10+5 პასი).
ჰ: ჰარდენი (44+7 პასი), სმიტი (18), მოტეიუნასი (17+3 ჩაჭრა), ბრიუერი (11), არიზა (4+11 მოხსნა).

ბრუკლინი-ბოსტონი 91:110
28:23, 21:31, 25:29, 17:27
ბრუკ: ლოპესი (31), ტ. იანგი (12+9 მოხსნა), უილიამსი (10+9 მოხსნა+10 პასი).
ბოს: ბრედლი (20+7 მოხსნა), ტერნერი (19+10 მოხსნა+12 პასი), ზელერი (18+7 მოხსნა), ოლინიკი (18), ბასი (12), ჟერებკო (10+6 მოხსნა).

ნიუ იორკი-მემფისი 82:103
20:30, 28:20, 13:24, 21:29
ნ-ი: ჰელოუეი (19+7 მოხსნა+5 პასი), ბარნიანი (18), სმიტი (16), ტომასი (15).
მ: რენდოლფი (23+7 მოხსნა+5 პასი), გასოლი (21+8 მოხსნა), კარტერი (14), გრინი (12), კუფოსი (10).

ჩიკაგო-შარლოტი 98:86
28:26, 20:23, 26:20, 24:17
ჩ: მიროტიჩი (28+8 მოხსნა), გასოლი (27+12 მოხსნა+4 დაფარება), ბატლერი (19+9 მოხსნა), ბრუქსი (13+10 პასი).
შ: უოკერი (29), მო უილიამსი (15+6 მოხსნა+5 პასი), ჰენდერსონი (11+9 მოხსნა).

იუტა-მინესოტა 104:106 (ო)
22:20, 26:22, 15:18, 33:36, 8:10
ი: ფეივორსი (19+12 მოხსნა), გობერი (18+17 მოხსნა+6 დაფარება), ინგლსი (18), ბერკი (16+6 პასი+4 ჩაჭრა), ე. მილსეპი (13).
მ: ლავინი (27), უიგინსი (22+7 მოხსნა), ბადინგერი (15+5 პასი), კილპატრიკი (13), დიონგი (11+3 ჩაჭრა+3 დაფარება), ლ. ბრაუნი (10+7 მოხსნა+6 პასი).

გ. სტეიტი-ვაშინგტონი 107:76
27:24, 25:25, 29:8, 26:19
გ-ს: კარი (24+6 პასი), სპეიტსი (16), გრინი (13+6 მოხსნა), იგუოდალა (11), ბოგუტი (6+12 მოხსნა), ეზელი (4+10 მოხსნა).
ვ: სერაფინი (12+8 მოხსნა), ბილი (12), უოლი (11+5 პასი).

ყოველდღიური სპორტული გაზეთი "ლელო"