NBA. რეგულარული ჩემპიონატი: დურანტს წელს ვეღარ ვნახავთ

ოფიციალურად გამოცხადდა, რომ კევინ დურანტი ამ სეზონში ვერ დაეხმარება "ოკლაჰომა-სიტის". კლუბის გენერალურმა მენეჯერმა სემ პრესტიმ ნაღვლიანი ინფორმაცია გაავრცელა - გუნდის მთავარ ვარსკვლავს განმეორებითი ოპერაცია ჩაუტარდება ტრავმირებულ ფეხზე.

წინასწარი ინფორმაციით, 26 წლის ფორვარდს აღდგენითი პროცესისთვის ოთხიდან ექვს თვემდე დასჭირდება.

მიმდინარე სეზონში კევინმა მხოლოდ 27 მატჩის გამართვა მოასწრო და საშუალოდ 25.4 ქულა, 6.6 მოხსნა და 4.1 შედეგიანი პასი დააგროვა.

* * *
- შაბათს ორლანდოში გაიმართა საზეიმო ცერემონია, რომელიც კლუბის დიდების დარბაზში ლეგენდარული შაკილ ო'ნილის შეყვანას მიეძღვნა. 1992 წელს "ორლანდომ" შაკი დრაფტის პირველ ნომრად აირჩია. ო'ნილმა გუნდის რიგებში 1992-96 წლებში ითამაშა, 295 მატჩი ჩაატარა და საშუალოდ 27.2 ქულა, 12.5 მოხსნა და 2.8 დაფარება დააგროვა.

- "დეტროიტის" გამთამაშებელმა რეჯი ჯექსონმა "ორლანდოსთან" შაბათის მატჩში პროფესიულ კარიერაში მეორე სამმაგი დუბლი შეასრულა. მცველმა 26 ქულა, 11 მოხსნა და 10 შედეგიანი პასი მიითვალა.

- "ჰიუსტონის" ხელმძღვანელობა აპირებს სამწლიანი კონტრაქტის გაფორმებას მადრიდის "რეალის" მოთამაშესთან, სერხიო ლიულთან. კალათბურთელი ხელფასის სახით, ჯამში, 17 მილიონ დოლარს მიიღებს. აღნიშნავენ, რომ "როკეტსის" გენერალური მენეჯერი დერილ მორი რამდენიმე დღის წინ ესპანეთის დედაქალაქში იმყოფებოდა და 27 წლის ლიულსა და მის აგენტს ელაპარაკა.

- "დალასის" ფორვარდმა ამარე სტაუდმაიერმა განაცხადა, რომ ჯერ ისევ ენერგიით სავსეა და არ აპირებს უახლოეს მომავალში კარიერის დასრულებას. "დაგეგმილი მაქვს კიდევ გარკვეული ხანი თამაში. ფეხებში ძალას ისევ ვგრძნობ, კონკურენციის გრძნობაც არსად წასულა. ასე რომ, არ ვაპირებ კალათბურთის მიტოვებას", - განაცხადა ამარემ.

- "ვაშინგტონი" კონტრაქტის გაფორმებას აპირებს 32 წლის მცველ უილ ბაინუმთან. ეს კალათბურთელი სეზონის სტარტამდე"დეტროიტიდან" "ბოსტონში" გაცვალეს, რის შემდეგაც "კელტებმა" შემადგენლობიდან დაითხოვეს. ამის შემდეგ ბაინუმი ჩინეთში, კლუბ "გუანდუნ ტაიგერსში" თამაშობდა.

- "იუტასთან" გუშინდელ გასვლით შეხვედრაში "ოკლაჰომას" ლიდერმა რასელ უესტბრუკმა ვერ შეძლო სამმაგი დუბლის შესრულება, თუმცა მატჩის ყველაზე შედეგიანი მოთამაშე გახდა. მცველმა 37 ქულა, 8 მოხსნა და 6 პასი დააგროვა, მაგრამ ეს საკმარისი არ აღმოჩნდა "იუტას" დასამარცხებლად.

- "ლოს ანჯელეს კლიპერსის" 35 წლის მცველი ჯამალ კროუფორდი დამწუხრებულია ფეხის ტრავმის გამო, მაგრამ იმედოვნებს, რომ შეძლებს პლეი ოფის მატჩებში თავისი გუნდის დახმარებას. "ეს ძალიან უცნაური ტრავმაა ჩვენთვის, მაგრამ იმედი მაქვს, რომ შევძლებ ამ სეზონში მოედანზე დაბრუნებას", - განაცხადა კროუფორდმა.

- "ლოს ანჯელეს ლეიკერსის" მთავარი მწვრთნელი ბაირონ სკოტი დარწმუნებულია, რომ ზაფხულში ბევრი თავისუფალი აგენტი მოინდომებს სწორედ კალიფორნიულ კლუბში გადასვლას.

"მიმაჩნია, რომ ზაფხულში საკმარისზე მეტი იქნება ჩვენთან კონტრაქტის გაფორმების მსურველი. რეგულარული ჩემპიონატის მსვლელობისას რამდენიმე მოთამაშე მოვიდა ჩემთან და პირადად მითხრა, რომ ჩვენს კლუბში გადმოსვლის სურვილი აქვს", - განაცხადა სკოტმა.

შარლოტი-ატლანტა 115:100
27:23, 30:29, 33:24, 25:24
შ: უოკერი (21+5 მოხსნა+6 პასი), ჰენდერსონი (20+5 მოხსნა), მო უილიამსი (18), მარვ. უილიამსი (17+5 მოხსნა), ჰეირსტონი (12), ბიიომბო (9+11 მოხსნა+3 დაფარება).
ა: ბეიზმორი (20+5 მოხსნა), მუსკალა (18+10 მოხსნა), შრედერი (17+11 პასი), ჯენკინსი (16).

ჩიკაგო-ნიუ იორკი 111:80
28:17, 26:17, 30:19, 27:27
ჩ: მიროტიჩი (24+6 მოხსნა), პ. გასოლი (19+12 მოხსნა), ბატლერი (18+5 ჩაჭრა), გიბსონი (14+9 მოხსნა), ბრუქსი (12+5 პასი), დანლივი (10+5 მოხსნა).
ნ-ი: ბარნიანი (14+7 მოხსნა), ჰელოუეი (12+5 მოხსნა), ლედო (11).

იუტა-ოკლაჰომა 94:89
21:32, 26:17, 29:17, 18:23
ი: ბერკი (22+6 მოხსნა+4 ჩაჭრა), გ. ჰეივორდი (17+5 მოხსნა+5 პასი), გობერი (13+15 მოხსნა), ბუკერი (12).
ო: უესტბრუკი (37+8 მოხსნა+6 პასი), კანტერი (18+11 მოხსნა), მოროუ (12), ს. ადამსი (5+14 მოხსნა).

პორტლენდი-დენვერი 120:114
31:25, 27:28, 28:25, 34:36
პ: ოლდრიჯი (32+11 მოხსნა), აფლალო (21+5 მოხსნა), ბატუმი (15+7 პასი), კამანი (14+9 მოხსნა), ლოპესი (12+8 მოხსნა), ლილარდი (8+10 პასი).
დ: ნელსონი (22+5 პასი), ფოიე (17), ფარიდი (14+10 მოხსნა), ჩენდლერი (13+8 მოხსნა+5 პასი), ლოუსონი (13+7 პასი), ბარტონი (12+7 მოხსნა), ნურკიჩი (10).

ყოველდღიური სპორტული გაზეთი "ლელო"